تورکیه – آذربایجان تشقی ایشلر وزیرلری تیلفون آرقه لی صحبت قیلدی

تورکیه جمهوریتی تشقی ایشلر وزیری مولود چاووش اوغلی بیلن آذربایجان تشقی ایشلر وزیری جیحون بیره موف تیلفون آرقه لی صحبت قیلدی.

دیپلوماتیک منبعلردن آلینگن معلوماتلرگه کوره، مولود چاووش اوغلی بیلن جیحون بیره موف ارمنستان نینگ آتشکیسین اخلالی اوستیده بحث قیلگن.

ارمنستان بیلن آذربایجان روسیه نینگ پایتختی مسکوده بولیب اوتگن اوچره شوولرده 10 اکتوبر کونی محلی وقت بیلن ساعت 12:00 دن باشلب تاغلیق قاره باغده گی جنازه و اسیر المه شووینی اوز ایچی گه آلگن بشری آتشکیسین قرارینی قبول قیلیب آلگندی.

ارمنستان اردوسی نینگ آتشکیسین قراری نینگ اوستیدن 24 ساعت اوتمه ی توریب آذربایجان نینگ گنجه شهریگه راکت اوروشی عاقبتیده 9 کیشی اولیب 34 کیشی تینچ اهالی یره لنگندی.