تورکیه جمهوررئیسی اورینباسری لبنان جمهوررئیسی بیلن اوچره شدی

تورکیه جمهوریتی جمهوررئیسی نینگ اورینباسری فواد اوکتای و تشقی ایش لر وزیری مولود چاووش اوغلی لبنان پایتختی بیروت گه تشریف بویوردی.

اوکتای, لبنان جمهوررئیسی میشل عون بیلن اوچره شیشی آرتیدن بیرگن بیاناتیده, "لبنان جمهوررئیسی عون گه ینه ده کوپراق غذایی و طبی یاردم اوچون تیار ایکن لیگی میز نی بیلدیردیک" دییه قید ایتدی. 

"تورکیه نینگ برچه کسلخانه لری و همه امبولانس اوچاق لری لبنان اوچون خدمت گه تیار" دییه قید ایتگن اوکتای, اوز سوز لری نی, "بیروت بندری فعالیت گه باشله گونگه قدر مرسین بندری نینگ لبنان نینگ خدمتیده بوله دیگن لیگی نی بیلدیردیک" شکلیده دوام ایتتیردی. 

اوکتای, "جدی بیر شکلده ضرر کورگن بیروت بندری و تیگره گی ده گی بنا لرنینگ قیته قوریلیشی بوییچه تورکیه همکارلیککه تیار" دییه قید ایتدی. 

اوکتای بیلن چاووش اوغلی, بیروت ده پارتلش حادثه سی نینگ یوز بیرگن بندرنی هم کوریب چیقدی. 

فواد اوکتای, بیرگن بیاناتیده, "لبنان ده تورکیه نینگ, تورک ملتی نینگ و تورک خلقی نینگ اوزی گه خاص بیر اورین گه ایگه ایکن لیگی گه شاهد بولدیک. کونگیلدن کونگیل گه بیر دوستلیک نینگ موجود ایکن لیگی نی کوردیک.  لبنان لیک قرداش لری میز گه برچه امکانیت لری میز بیلن همکارلیککه تیار ایکن لیگی میز نی بیلدیردیک" دییه قید ایتدی. 

"لبنان گه غذایی و طبی یاردم لری میز دوام ایته دی" دییه قید ایتگن اوکتای, اوز سوز لری نی, "جدی بیر شکلده شیشه و ساختمانی مواد گه ضرورت ایکن لیگی بیلدیریلدی.  ضرورت لر دایره سیده کیره کلی همکارلیک نینگ قیلینه دیگن لیگی نی بیلدیردیک" شکلیده دوام ایتتیردی.

اوکتای, "بو ساحه ویران بولگن حالیدن عادی وضعیت گه ایلنتیریلگونگه قدر تورکیه نینگ همکارلیگی دوام ایته دی" دییه قید ایتدی.  

بیروت بندری ده 4 آگست ده منفجره مواد نینگ موجو بولگن 12 سانلی دیپوده یانغین یوز بیررایکن, اوشبو حادثه آرتیدن شهر ده ققشتگیچ بیر پارتلش حادثه سی یوز بیرگن ایدی. 

انفجار حادثه سی عاقبتیده کمیده 154 کیشی جان بیررایکن, 5 مینگ گه یقین کیشی نینگ ایسه یره لنگن لیگی بیلدیریلگن ایدی.