جمهوررئیس اردوغان ایاصوفیه موضوعی بوییچه بولگن عیبلاولرگه ناراضیلیک بیلدیردی

تورکیه جمهوریتی جمهور باشلیغی رجب طیب اردوغان، ایاصوفیه موضوعیده قیلینگن عیبلاولرنینگ توپه – توغری تورکیه نینگ حاکمیتلیک حقی گه هجوم اویوشتیریش معناسیگه کیلگنینی ایتدی.

اردوغان استانبول لیونت مسجدی بنیاد قوییش مراسمیده گپیردی.

"بیز قنداغکی ایریم اولکه لرنینگ اوز وطنداشلری اوچون خذمت بیرووچی عبادتخانه لریگه اره لشمه گن بولسک، ایریم لرنینگ هم بیزنینگ عبادتخانه لریمیزگه اره لشیش گه حق و صلاحیتی یوق. اولکه میز اوچون قیلینگن عیبلاولرنینگ توپه – توغری حاکمیتلیک حقیمیز گه هجوم اویوشتیریش معناسیگه کیله دی" دیب ایتدی.

جمهور باشلیغی اردوغان تورکیه ده گی حاکم اعتقاد گروهی بولمیش مسلمانلر قاله ویرسه ایریم دینی اعتقادلرگه منسوب بولگنلرنینگ هم قوریقلش گه دوام ایته جکلرینی معلوم قیلیب،

"میلیونلب انسان فقط اعتقادلری اوچون قتل قیلینماقده و تورلی باسیم گه دوچ قالماقده. اصل توجه بولینه دیگن، اوستیگه ماسلنه دیگن و تدبیر آلینه دیگن موضوع بو دیر" دیدی.