تورک عالم لر کرونا ویروس گه قرشی دارو ایشلب چیقردی

تورکیه جمهوریتی جمهوررئیسی رجب طیب اردوغان توناون بولیب اوتگن کابینه ییغیلیشی آرتیدن بیرگن بیاناتیده, تورک عالم لرنینگ کووید 19 گه قرشی فایده له نیلیاتگن فاویپیراویر ناملی دارو نی ایشلب چیقریش گه موفق بولگن لیگی نی معلوم قیلدی. 

اردوغان, کیره کلی پروسه نینگ تکمیل بولیشی آرتیدن اوشبو دارو دن استفاده ایتیله دیگن لیگی نی بیلدیردی.

اردوغان, ینگی تور کرونا ویروس (کووید 19) نینگ بوتونلی یوق بولگونگه قدر ماسک, اجتماعی مسافه و تمیزلیک قاعده لری گه رعایت قیلینیشی کیره ک ایکن لیگی نی معلوم قیلدی. 

جمهوررئیس اردوغان, ایندی یاشی 65 دن یوقاری بولگن کیشی لر نینگ هر کون ایرته لب ساعت 10 دن باشلب کیچقرون ساعت 8 گه قدر کوچه گه چیقیش لری نینگ ممکن ایکن لیگی نی بیلدیردی. 

18 یاشدن کیچیک باله لرنینگ ایسه آته- آنه لری نینگ یان لریده بولیشی تقدیرده خواهله گن پیتده کوچه گه چیقیش لری نینگ ممکن ایکن لیگی نی ایسله تیب اوتدی. 

جمهوررئیس اردوغان, تورکیه جمهوریتی نینگ بویوک و کوچلی بیر تورکیه بولیش بوییچه سونگگی باسقیچده ایکن لیگی نی بیلدیردی. 

تورکیه ده 40 ییل دن بیری تروریزم معماسی نینگ موجود ایکن لیگی نی بیلدیرگن اردوغان, سونگگی پیت لرده بولووچی ترور تشکیلاتی گه قرشی جوده هم قتتیق کوره ش آلیب باریلیاتگن لیگی نی معلوم قیلدی. 

اردوغان, سوریه نینگ ادلب منطقه سیده اوروش لرنینگ قیته باشدن باشلشی گه اجازت بیرمیدیگن لیک لری نی معلوم قیلرایکن, لیبیا ده ایسه کودتاچی لر و امپریالست لر نینگ ایمس, بلکه خلق نینگ یانیده بولیش سیاستی نی دوام ایتتیره دیگن لیک لری نی بیلدیردی.