ایردوغان سویس ده بیر پروگرام گه قتنه شیب سوزگه چیقدی

تورکیه جمهور باشلیغی رجب طیب ایردوغان،

"چیت ایلده حیات کیچیرووچی هر بیر ایناغه میز، تورک ملتی نینگ نماینده سی دیر و 82 میلیون وطنداشیمیزدن هیچ بیر فرقی یوقدیر" دیدی.

گلوبال قاچقینلر پروگرامی گه قتنشیش اوچون سویس گه بارگن ایردوغان، بو جایده چیت ایل تورکلر و قرینداش جمعیتلر اداره سی تامانیدن اویوشتیریلگن "سویس گه کوچ نینگ 50- ییل لیگی" پروگرامی گه صحبت گه چیقیب گپیردی.

سویس گه بارگن تورکلرنینگ 50 ییل دوامیده قولگه کیریتگن یوتوقلری بیلن فخرلنگن لیکلرینی تیلگه آلگن ایردوغان جنابلری شولرنی ایتدی:

"البته بونقطه لرگه آسان بیر شکلده ییتیب کیلمه دینگیز و 50 ییل دوامیده تبعیضلر، درد و الملر کوریب بو یوتوقلرنی قولگه کیریتینگیز." دیب ایتدی.    

جمهور باشلیغی ایردوغان اروپاگه کوچدن 50 ییل اوتگن و هر بیر باسقیچ نینگ درد و الم – کوز یاشی بیلن اوتگن حکایه لردن عبارت ایکن لیگینی افاده ایتدی.

ایردوغان،

"چیت ایلده حیات کیچیرووچی هر بیر ایناغه میز، تورک ملتی نینگ نماینده سی دیر و 82 میلیون وطنداشیمیزدن هیچ بیر فرقی یوقدیر" دیب ایتدی.

تورکلرنینگ اروپاده بیگانه ایمس ایکن لیگینی معلوم قیلگن ایردوغان جنابلری،

"بیز اروپاگه پناهنده ایمس میز، خارجی ایمس میز، بیگانه اصلاً ایمس میز. تاریخ دوامیده بولگندیک بیز اروپاده میزبانمیز" دیب گپیردی.

سویس ده حیات کیچیریب تورگن تورکلرگه خطاب قیلگن جمهور باشلیغی شولرنی ایتدی:

"عصرلردن بیری مظلوملرگه ایشیگینی آچیب بشریت گه اورنیک بولگن بیر ملت نینگ اولادلری سیزلر. سیزلردن منسوبی بولگن ملتینگیز، تیلینگیز، مدنیتینگیز و اینگ مهمی بیراغینگیز بیلن فخرلنیشینگیزنی ایسته یمن" دیدی.