ایردوغان جمعه نمازی نینگ آرتیدن مطبوعاتگه بیانات بیردی

تروریزم و سوریه موضوعلریگه تماس قیلدی

1269035
ایردوغان جمعه نمازی نینگ آرتیدن مطبوعاتگه بیانات بیردی

جمهور باشلیغی رجب طیب ایردوغان، تروریزم گه قرشی کوره ش گه توخته مه ی دوام ایته جکلرینی ایتدی.

ایردوغان، استانبولده جمعه نمازی نینگ آرتیدن بیانات بیردی.

بولووچی ترور تشکیلاتی پی کاکا تامانیدن توناون کونی دیاربکرده تینچ اهالی گه قره ته اویوشتیریلگن هجوم گه تماس قیلگن ایردوغان جنابلری؛

"الله تعلی شهیدلریمیزگه مغفرت یره لی لریمیزگه شفا بیرسین. شهید عایله لری بیلن کوریشدیم. "بیز اوزاق ییللردن بیری قوم اوله راق انچه شهید بیردیک. بولر بیزنی قورقیتالمه یدی، دیب ایته دیلر. تروریزم گه قرشی کوره ش گه توخته مه ی دوام ایته میز" دیب گپیردی.

ایردوغان "هجوم بیلن تیگیشلی خلق لرنینگ دموکراتیک حزبیدن نظارتگه آلینگن کیشی لر بار. ینه هم نظارت گه آلینه دیلر" دیدی.

دیاربکرده باله لری تاغلرگه آلیب باریلگن آنه لرنی قولب- قوتلاوچی پیام بیردی و دولت اوله راق بو آنه لر بیلن همکار ایکن لیکلرینی بیلدیردی.

ایردوغان جنابلری عین دمده سوریه ده گی وضعیت گه هم تماس قیلدی.

"سوریه جریانی سوچیده باشلندی، انقره و تهرانده دوام ایتدی. سوچی و آرتیدن انقره ده دوام ایته دی. بو جلسه لرده ادلب موضوعینی اورته گه قویه میز. تیکشیروو نقطه لری قاله ویرسه تروریزم گه قرشی کوره شنی دوام ایتتیره میز" دیب ایتدی.

ایردوغان سوریه نینگ شمالیده خوفسیز منطقه موضوعی گه هم تماس قیلدی.

"ائتلاف کوچلری نینگ فعالیتلری بار، اولر بیلن هم تماسده میز. حرمتلی دونالد ترامپ 20 میل دیب ایتگن منطقه ده گی فعالیتلریمیز بوییچه تورک قوراللی کوچلری منسوبلری بیلن امریکا قوشمه ایالتلری امریکا قوشمه ایالتلری منسوبلری اوچره شوو اوتکزدیلر. کیلیشیلگن بعضی بیر نقطه لر موجود.

تیک اوچرلریمیز مشترک پروازلر عملگه آشیرماقده لر. بولووچی ترور تشکیلاتی پی وای دی/پی کاکا گه قرشی امریکا قوشمه ایالتلری یانداشووی گه اهمیت بیره میز. بیز خواهله گن یانداشوو حلی گچه یوق" دیدی.



علاقه لی ینگی لیکلر