قربانلیک تقوا و فضیلت دیمک

حیات هر قنده ی بیر مقصد اوچون اوزاق مدتلیک چاپیش دن عبارت. یعنی بیر هدف گه ییتیشیش و بیر ساحه بوییچه موفق بولیش اوچون قیلینیاتگ سعی و حرکت لردن عبارت دیمک.  حیاتده کوپلب موفقیت لر قولگه کیریتیشی میز ممکن.  لیکن یوره گی میزده بیر دردی میز دایمی شکلده قاله دی.  موفق بولیش اوچون توختاوسیز روشده چاپرایکن, ایریم پیت لرده ایسه ایسیمیزدن چیقیب قالگن نرسه لر نی ایسله ماقچی بوله میز.   همه میز بیز نی بیز قیلگن ارزش لری میز نی ایسلش و قیته باشدن اولر بیلن بیرگه بولیش نی آرزو قیله میز البته که. 

بیره م لر خوددی شوو ارزش لردن بیری نی تشکیل ایتماقده.  انسان لر اوچون حیات نینگ مصروفیت لری ایچیده توختب معنوی جهت دن اوزی نی تازه لش وقتی دن عبارت بیره م لر.

قربانلیک, تورت مینگ ییللیک بیر عنعنه دن عبارت. ینه قربان هییت بیره می نی قیزغین کوتیب آلماقده میز.  ایسکی منبع لر, اوچ سماوی دین دن عبارت یهودی لیک, مسیحی لیک و مقدس اسلام دینی تامانیدن پیغمبر صفتیده قبول قیلینگن حضرت ابراهیم نینگ میلاد دن آلدین 2000 – ییلده یشب اوتگن لیگی نی بیلدیرماقده.  ابراهیم, الله گه صداقتی نی کورسه تیش اوچون اوغلی نی قربانلیک قیلیش گه حرکت قیلدی.  بیراق الله تعالی ابراهیم نینگ اوغلی نی قربانلیک قیلمس لیگی اوچون قوی یوباردی. نتیجه ده ابراهیم نینگ اوغلی نینگ اورنیگه اوشبو قوی سویلدی. شونده ی قیلیب اوشبو عنعنه تقریباً 4 مینگ ییلدن بیری دوام ایتیب کیلماقده.  خوددی شوو قربان قیلینگن حیوان لر قنچه لیک موتلی حیوان لر ایکن.  زیرا بونده ی بیر فضیلت اوچون خدمت قیلگن لر. 

قربانلیک انسان لرنینگ بیر بیر لری گه یاردم ایتیشی دن عبارت. قربان بیره می ده سویلگن حیوان لرنینگ گوشتی نینگ محتاج کیشی لر گه ترقه تیلیشی بیر عنعنه گه ایله نیب قالگن وضعیتده.  قربان بیره می دن تشقری باشقه کون لرده هم انسان لرنینگ الله گه شکر قیلیش اوچون نذر قیلیب گوشتی نی محتاج کیشی لر گه ترقه تیشی ممکن البته که.

انسان لرنینگ فقط گینه اوز لری اوچون یشب تورگن اوشبو مدرن چاغده قربان هییت بیره می بونده ی یاردم سیورلیک فعالیت لری اوچون جوده هم یخشی بیر عنعنه دن عبارت. 

قربان هییت بیره می قرینداش- اوروغ لرنی ایسلش دن عبارت.  قربانلیک فقط گینه مادی بیر یاردم دن عبارت ایمس, بلکه عاطفی بیر موضوع هم موجود اوشبو کونلر بیلن علاقه لی.  قربان بیره می قربانلیک سویلگن لیگی اوچون بیر تاماندن الله تعالی نی ایسلش ایکن, باشقه بیر تاماندن ایسه, آته- آنه, قرینداش-اوروغ لر, دنیا ده گی و عالمدن اوتگن برچه دوست لر نی یاد ایتیش دن عبارت.  هیچ قنده ی بیر قیین چیلیگی بولمسدن اوز حیاتی نی دوام ایتتیریاتگن کیشی لرنینگ قربان هییت بیره می نینگ ارزشی نی بیلمس لیک لری ممکن.  هر قنده ی بیر کیشی نینگ اوی لری گه کیلیب اولر نینگ احوالی نی سوره ش نی کوتیب تورگن کیشی لر و  اولاد لری هیچ خبری نی آلمه گن آته- آنه لر چی؟ البته که بونده ی کیشی لر اوچون بیره م لرنینگ ارزشی جوده هم کتته. 

قربان هییت بیره می کیمسه سی بولمه گن کیشی لرنی ایسلش دن عبارت.  البته که قربان بیره می ده بیرینچی دن یقین قرینداش- اوروغ لری میز نینگ خبری نی آلیشی میز کیره ک.  بیراق, قری کیشی لر نی باریب کوریشدن باشلب, اوزاق اولکه لرگه قربانلیک گوشتی یوباریش و او ییرده گی محتاج کیشی لرنینگ دردی گه مرهم بولیش گه قدر بولگن کینگ کولملی فعالیت لر نی عملگه آشیریشی میز کیره ک البته که.

قربانلیک یخشی لیک و فضیلت گه یقین لَشیش دن عبارت.  قربان لیک لغوی معنی سی جهتیدن یقینله شیش و شکر قیلیش تویغوسی و ساوغه قیلیش کبی معنی لر گه ایگه.  قربانلیک الله تعالی گه یقینله شیش اوچون بیر وسیله دن عبارت.  بیر آیت کریمه ده, "قربانلیک لرنینگ گوشتی و قانی الله گه ییتیب بارمیدی. بلکه سیز نینگ تقوانگیز الله گه ییتیب باره دی. توغری یول نی کورستگن لیگی اوچون الله نی کتته تانیشینگیز مقصدی بیلن قربانلیک لر نی سیزنینگ خدمتینگیز گه بیردی. یخشی لیک قیلگن کیشی لرگه مژده بیر" شکلیده بویوریلگن.

حاضرگی کونده بشریت نینگ ضرورتی شرق و غربتده خوددی شوو تویغو دن عبارت ایمس می؟ شرق ده انسان لرنینگ قششاق بیر وضعیتده بولگن و غربتده ایسه بایلیک سببلی اوزی نی یوقاتیب قویگن خوددی شوو کون لرنینگ اوزیده قربان هییت بیره می نینگ قنچه لیک مهم بیر نرسه دن عبارت ایکن لیگی نی درک ایتیش کیره ک البته که. 

قربانلیک بیر وازکیچیش و ترک ایتیش دن عبارت. عینی دمده قربانلیک مال و جان داخل هر نرسه دن وازکیچیش تویغوسی نی عکس ایتتیرماقده.  الله گه یقینله شیش فقط گینه اونینگ اوزی گه یقینله شیش دن عبارت ایمس. عینی دمده اونگه آلیب باره دیگن نرسه گه یقینله شیش و اوندن اوزاقلشتیره دیگن هر نرسه دن ایسه وازکیچیش دن عبارت. 

قربانلیک, محاسبه, وجدان و امکان دن عبارت. یعنی انسان لرنینگ فقط گینه اوز منفعتی گه کوره حرکت قیلمس لیگی کیره ک. باشقه چه قیلیب ایتگنده خوددی شوو انسان لرنینگ اوز حیات لری نی وجدانلی و عادل بیر شکلده دوام ایتتیریش لری ضروری. 

و قربانلیک بیر تسلمیت دن عبارت. انسان لرنینگ مشروع, حلال و قبول قیلینگن بیر طرزده اوز حیات لری نی دوام ایتتیریش لری کیره ک.  هر قانونی نرسه نینگ مشروع, هر مشروع نرسه نینگ حلال و هر حلال نرسه نینگ قبول قیلینگن بولیشی نینگ ممکن بولمس لیگی احتمالی موجود.  شوباعث حقوقده قانونی لیک, جمعیت ده مشروع لیک, اسلام ده حلال لیک و کونگیلده ایسه وجدان گه اهمیت بیریله دی.  کونده لیک حیاتی میزده ایریم پیت لرده بونینگ تیسکری سی نی قیلیب قویشی میز هم ممکن.  کوپینچه عدالتلی, وجدانلی و فضیلتلی بولیش خوشی میز گه کیتمیدی.  قنچه لیک قیین بولیشی گه قره مسدن اوشبو قاعده لر گه بوین ایگیشی میز تقدیرده جهانده هیچ قنده ی بیر مشکل قالمیدی. 

بویوک تورک شاعری عبدالرحیم قاره قوچ نینگ قربانلیک بیلن علاقه لی قوییده گی شعری دقت لر نی اوزی گه تارتماقده. 

یوللر اوزاق, یوللر تار 

یوللر قیسقه بولر عشق کیلگچ

یاتیب قربان بولگیل اسماعیل کبی

پیچاق سیندن آزار کورمه سین

هر دایم ارزش لر و تقوا اوچون قربان بولیشینگیز, حقیقت گه تسلیم بولیشینگیز و احسان تویغوسی گه ایگه بولیشینگیز امیدی بیلن قربان بیره مینگیز قوتلوغ بولسین عزیز لریم.