امریکا سوریه نینگ شمالی خصوصیده تورکیه بیلن کیلیشیب آلگن لیگی نی معلوم قیلدی

امریکا قوشمه ایالتلری مدافعه وزیرلیگی پنتاگون, "اورتاق عملیات مرکزی" نینگ قوریلیشی بوییچه تورکیه بیلن کیلیشیب آلگن لیک لری نی بیلدیررایکن, اوشبو پروسه نینگ باسقیچ مه باسقیچ تطبیق قیلینه دیگن لیگی نی معلوم قیلدی. 

پنتاگون سوزچیسی, سین رابرتسن, اولکه سی نینگ, سوریه نینگ شمالیده قوریله دیگن امنیت منطقه توغریسیده تورکیه بیلن کیلیشیب آلگن لیگی باره سیده بیانات بیردی. 

رابرتسن, "انقره ده جاری هفته ده بولگن حربی مسئول لر نینگ مذاکره لری نتیجه سیده سوریه نینگ شمالشرقیده ناتو متفقی میز بولگن تورکیه نینگ مشروع خوفسیزلیک قیغو لری گه جواب قیتره دیگن دواملی بیر امنیتی میکانیزم نینگ قوریلیشی بوییچه آلغه سیلجیش لر بحث موضوعی بولدی.  اوشبو دایره ده تورکیه ده تورکیه بیلن اورتاق بیر عملیات مرکزی قوریش نی ریجه لَماقده میز. اوشبو خوفسیزلیک میکانیزمی باسقیچ مه باسقیچ تطبیق ایتیله دی. امریکا قوشمه ایالت لری, زودلیک بیلن ایریم قدم لر تشله ماقچی.  اوشبو خصوصده تورکیه بیلن مذاکره لر دوام ایتماقده" دییه قید ایتدی. 

جاری ییل نینگ 5-7- آگست کونلریده سوریه نینگ شمالیده امنیت بیر منطقه نینگ قوریلیشی بیلن علاقه لی امریکا قوشمه ایالت لری بیلن تورکیه نینگ حربی مسئول لری اوز ارا مذاکره قیلگن ایدی. 

اوشبو مذاکره دایره سیده, تورکیه نینگ خوفسیزلیک بوییچه قیغو لری نینگ یوق قیلینیشی اوچون کیره کلی قدم لرنینگ زودلیک بیلن تشله نیشی, امنیت منطقه نینگ قوریلیشی و تورکیه ده امریکا بیلن اورتاق بیر عملیات مرکزی قوریلیشی توغریسیده کیلیشیلیب آلینگن ایدی. 

تورک و امریکالیک حربی مسئول لر, اوشبو امنیت منطقه نینگ قوریلیشی آرتیدن سوریه لیک مهاجر لرنینگ اوز یورت لری گه قیتیب باریش لری اوچون کیره کلی قدم لرنینگ تشله نیشی بوییچه هم کیلیشیب آلگن ایدی.