جمهوررئیسی اردوغان بوگون قسم یاد قیلیب اوز وظیفه سی گه باشلَیدی

اردوغان جون آیی نینگ 24 نچی کونیده بولیب اوتگن سیلاولر نتیجه سیده جمهورئیسی ایتیب سیلندی

1008458
جمهوررئیسی اردوغان بوگون قسم یاد قیلیب اوز وظیفه سی گه باشلَیدی

رجب طیب اردوغان نینگ, جمهوررئیس لیگی مجتمع سیده بولیب اوته دیگن "جمهوررئیسی نینگ  اوز وظیفه سی گه باشلش مراسمی" ده, 22 جمهوررئیسی, 28 باش وزیر و پارلمان باشلیغی بیلن 6 خلق ارا تشکیلات نینگ عمومی رئیس لری ایشتراک ایته دی.

جمهوررئیسی اردوغان بوگون تورکیه وقتی بیلن ساعت 16:30 ده (افغانستان وقتی بیلن کیچقرون 6 ده) تورکیه جمهوریتی پارلمانی عمومی کینکشیده قسم یاد قیلیشی آرتیدن, تورکیه جمهوریتی نینگ اساسچی سی اتاترک نینگ مزاری گه باره دی. 

جمهوررئیسلیگی مجتمع سیده, تورکیه وقتی بیلن ساعت 6 ده کوپلب جمهوررئیسلری, باش وزیر لر و پارلمان باشلیق لری نینگ اشتراکی بیلن جمهوررئیس لیگی وظیفه سی گه باشلش مراسمی بولیب اوته دی. 

اوشبو دایره ده, بلغاریا, گرجستان, مقدونیه, مالدویا, صربستان, کوسووا, پاکستان, شمالی قبرس تورک جمهوریتی, قیرغزستان, سودان, غنا, زامبیا, غنا بیساو, اکوادور, سومالیا, موریتانیا, گابون, چاد, سیبوتی و ونزوئلا جمهوررئیس لری بیلن بوسنیا هرزگوینا دولت رهبرلیگی کینگشی باشلیغی بکر عزت بیگویچ و قطر امیری شیخ تمیم بن حمد آل ثانی تورکیه گه تشریف بویوره دی. 

خوددی شوو مراسم آرتیدن جمهوررئیسی اردوغان مهمان جمهوررئیس لری, باش وزیرلر و پارلمان رئیس لری اوچون آقشام دعوتی ترتیب لیدی. 



علاقه لی ینگی لیکلر