تورکیه ده سیلاو ایندی نیمه اوچون انسانلرنینگ فرقلی قطبلرگه اجره لیشیگه سبب بولمَیدی؟

تورکیه ده قیسقه بیر مدت کیین جمهوررئیس لیگی و پارلمانی سیلاو لر بولیب اوته دی.  کاندید لر و سیاسی حزب لر اوز کمپاین لری نی جدی بیر شکلده دوام ایتتیرماقده.  تورکیه ده گی سیلاو لر تاریخی گه قره گنده, ایلک مراتبه سیلاو پروسه سی نینگ بونده ی معتدل بیر شکلده بولیب اوتیاتگن لیگی کورینماقده. شونده ی قیلیب, سابق ده گی انسان لرنی فرقلی قطب لر گه اجره تیب قویه دیگن و افراطی سوز لرنینگ بحث موضوعی بولیاتگن سیلاو کمپاین لری نینگ تقریبا هیچ موجود ایمس لیگی کوزگه تشلنماقده. 

اوشبو وضعیت نینگ سببی نیمه بولیشی ممکن؟    

50 فایز جمع بیر میزانی گه ایگه بولیش اوچون معتدل بیر سیاست آلیب باریش ضرورتی 

آلدینگی سیلاو لرده حتی 20 فایزلیک بیر رای بیلن هم اقتدار گه کیلیش ممکن ایدی.  عدالت و توسعه حزبی اوزی اوچون قیین بولیشی گه قره مسدن, بیر کیشی نینگ جمهوررئیسی ایتیب سیله نیشی اوچون 50 فایز جمع بیر رای آلیشی کیره ک ایکن لیگی نی بیر ضرورت گه ایلنتیردی. شونده ی قیلیب ایندی سیاسی حزب لرنینگ اقتدار گه کیلیش لری اوچون فقط گینه اوز طرفدارلری نینگ رایی ییترلیک ایمس. باشقه چه قیلیب ایتگنده, حزب لر اقتدار گه کیله آلیش لری اوچون کینگ کولملی بیر جمعیت نی اوز بغریگه باسه آله دیگن بیر سیاست آلیب باریشی کیره ک.  شوباعث خوددی منه شوو شرایط نینگ اوزی حزب لر نی آلدینگی عادت لری نی قویشیب کینگ کولملی بیر سیاست آلیب باریش گه اونده ماقده.  اوشبو دایره ده سیاسی حزب لرنینگ معتدل بیر سیاست آلیب باریشی و حزب ایچیده گی افراطی کیشی لر گه مانع بولیش لری کیره ک.

منطقه مقیاسیده گی قیین چیلیک لر سببلی تورکیه نی باشقریش نینگ قیین ایکن لیگی باعث, کاندید لر و حزب لرنینگ سیلاو سیستمی دایره سیده معتدل بیر سیاست آلیب باریشی مثبت بیر ینگی لیکدن عبارت. 

ایککینچی روند احتمالی

آلیب باریلگن تحقیقات لرنینگ سیلاو لرنینگ بیرینچی روندیده بیر کاندید نینگ جمهوررئیسی ایتیب سیله نه دیگن لیگی نی کورسَتیاتگن لیگی گه قره مسدن, اوپوزسیونده گی حزب لرنینگ خوددی منه شوو سیلاو لرنینگ ایککینچی روند گه قالیشی اوچون جدی بیر شکلده سعی و حرکت قیلیاتگن لیگی کورینماقده.  تئوریک هم بولسه سیلاو لرنینگ ایککینچی روند گه قالیشی احتمالی کاندید لر و حزب لرنی معتدل بیر سیاست آلیب باریشگه اونده ماقده.  اینیقسه اوپوزسیونده گی حزب لرنینگ فقط گینه اوزلری نینگ رایی بیلن 50 فایز جمع بیر نی تامین ایتیش لری نینگ ممکن ایمس لیگی سببلی باشقه حزب لرنینگ قسماً عدالت و توسعه حزبی طرفدارلریدن رای آلیشگه مجبور ایکن لیک لری کورینماقده.  سیلاو لرنینگ ایککینچی روند گه قالیشی تقدیرده, کاندید لرنینگ بوندن هم معتدل و ملایم بیر سیاست آلیب باره دیگن لیک لری کوزگه تشلنماقده. 

همه اوچون کاندید بوله آلیش امکانیتی

آلدینگی سیلاولرده, جمهوررئیس لیگی اوچون فقط گینه حزب لرنینگ پارلمانی گروپ لری یاکه ایریم وکیل لر کاندید بوله لر ایدی خلاص.  اوشبو وضعیت نینگ اوزی ایسه رای بیروچی لرنینگ اراده سی نینگ سیلاولرده ییترلیک مقیاسده عکس ایتمس لیگی گه سبب بولماقده ایدی.  عینی دمده دموکراسی و ایرکین لیک لر جهتی دن هم بیر کمچیلیک دن عبارت ایدی.  ینگی سیستم بیلن بیرگه اوشبو قیین چیلیک ییچیلدی.  ایندی همه نینگ 100 مینگ رای بیلن جمهوررئیسلیگی گه کاندید بولیشی ممکن.  خوددی منه شوو امکانیت نینگ اوزی اینیقسه کیچیک حزب لر و بعضی تامان لرنینگ سیستم نینگ ایچیده اوز فعالیت لری نی دوام ایتتیره آلیشی جهتی دن مثبت بیر ینگی لیک دن عبارت بولدی.  اوشبو حق نینگ بیریلمس لیگی تقدیرده, خوددی منه شوو حزب لر و تامان لرنینگ قتتیق بیر سیاست آلیب باریشی ممکن ایدی. 

ائتلاف لرنینگ سیلاو آلدی قوریلیشی

تورکیه ده آلدینگی سیلاولرده حزب لرنینگ ائتلاف قوریشلری قانونی ایمس ایدی.  بو گلگی سیلاو لرده ایسه ائتلاف قوریش امکانیتی نینگ موجود ایکن لیگی سببلی سیاسی حزب لر جمهور یاکه ملت ائتلافیده اورین آلماقده. سیاسی حزب لر ائتلاف لر دایره سیده سیلاولر گه اشتراک ایتیاتگن لیک لری ایککی شکلده سیاسی بحران لرنینگ کمییب کیتیشی گه سبب بولماقده.  آلدین ائتلاف لر سیلاو آرتیدن قوریلر ایدی. سیلاو پروسه سیده ایسه جدی بیر رقابت بحث موضوعی بولر ایدی.  ایندی ایسه ائتلاف لرنینگ سیلاو آلدیدن قوریلیاتگن لیگی سببلی یومشاق بیر سیاست آلیب باریلیاتگن لیگی کورینماقده.  ائتلاف لرنینگ سیلاو آلدی دن قوریلیاتگن لیگی رای بیروچی لر اوچون خوددی منه شوو ائتلاف لرنی تائید ایتیش یاکه ایتمس لیک امکانیتی هم یره تیب بیرماقده. 

عینی دمده اوشبو ائتلاف لر گه قوشیله دیگن کیچیک حزب لر هم 10 فایز رای آلیش مجبوریتی بولمسدن پارلمانده کرسی ایگه سی بولیش حقیگه بوله دی. پارلمانده اورین آله دیگن تامان لر سانی نینگ آرتیب کیتیشی نینگ اوزی هم بحران نینگ کمییب کیتیشی گه سبب بولماقده. 

تبعیض نینگ ایندی ممکن ایمس لیگی

سیلاو پروسه سیده, اینیقسه چپ گرا حزب لر تامانیدن مطرح قیلینیب کیلیاتگن سیکیولر, چاغداش و اتاترکچی کبی موضوع لرنینگ تقریباً هیچ بحث موضوعی ایتیلمیاتگن لیگی کورینماقده.  اوشبو سوز لرنینگ حزب لر جهتی دن اوز معنی سی نی قولدن بیریب قویگن لیگی نی بیلدیریش البته که ممکن ایمس.  صحبت طرزی نینگ اوزگریشی بوییچه اساسی سبب ایسه سیلاو سیستمی نینگ اوزگرگن لیگی دن عبارت. سیاسی حزب لرنینگ 50 فایز جمع بیر رای آلیش اوچون کینگ کولملی بیر سیاست آلیب باریشی ضروری.  شونده ی قیلیب حزب لرنینگ ایندی اوز لریدن تشقری باشقه تامان لردن هم رای آلیشگه اینتیلیش لری کیره ک. 

ترورچیلر بیلن ارتباطی بولگن لرنینگ اوزاقلشتیریلگن لیگی

ترور تشکیلاتی بیلن بولگن ارتباطی نی توخته تیب قویمه گن خلق لرنینگ دموکراسی سی حزبی نینگ هیچ بیر ائتلافگه کیریتیلمه گن لیگی اوشبو سیلاو لر بوییچه اینگ قیزیق موضوع نی تشکیل ایتماقده.  اوشبو وضعیت نینگ اوزی ایسه جوده یخشی بیر ینگی لیک دن عبارت. باشقه چه قیلیب ایتگنده سیاسی حزب لر دموکراتیک بیر شرایطده سیلاو لر گه اشتراک ایترایکن, سیلاو لر آرتیدن هم اوشبو حزب لر ترورچی لر بیلن هیچ قچان ارتباط قورمَیدی. 

پوپولیزم نینگ آرتیشی

سیلاو لرده کینگ کولملی بیر رای میزانی گه ایگه بولیش ضرورتی پوپولیزم نی هم آرتیرگن وضعیتده.  تورکیه ایندی آلدین بولگن لیگی دیک سرانه عایدی 2 مینگ دالردن عبارت بیر اولکه دن عبارت ایمس.  حاضرگی کونده اوشبو رقم اون مینگ دالر گه کوتریلیب کیتگن وضعیتده.  شوباعث سیاسی حزب لر قوریق وعده لر نی بیر تامان گه قویشیب انیق ایش لر قیلیش لری کیره ک. 

ینگی سیاست: ضدیت لر ایمس, بلکه ممکن بولگن نرسه لرنینگ آرقه سیدن چاپیش کیره ک...

تورکیه نینگ تیگره گیده جدی ریسک لرنینگ موجود ایکن لیگی سببلی, ایچکی سیاستده تبعیض سیاستی اورنیگه بیرلشتیروچی بیر سیاست آلیب باریلیشی اولکه نینگ اوشبو خطر لردن قورینیشی جهتی دن انچه اهمیت گه ایگه.  جمهوررئیس لیگی حکومت سیستمی اوشبو موضوع بیلن علاقه لی شرایط نی حاضرگی کوندن باشلب تامین ایتیب بیرگن وضعیتده.  شونده ی قیلیب کاندید لر و سیاسی حزب لر کینگ کولملی بیر جمعیت نی اوز بغری گه باسیش گه حرکت ایتماقده. 

سیاست نینگ اوزی هم ممکن بولگن نرسه لرنینگ آرقه سیدن چاپیشدن عبارت.