استانبول ده هجوم اویوشتیرگن تروریست نینگ کیملیگی تثبیت ایتیلدی

استانبول ده هجوم اویوشتیرگن تروریست نینگ کیملیگی تثبیت ایتیلدی

ترکیه ایچکی ایشلر وزیری افکان عالا استانبول استقلال جاده سیده خودکش هجوم حادثه سینی عملگه آشیرگن تروریست نینگ داعش اعضاسی مِحمد اوز ترک آتیده گی بیر تروریست ایکن لیگینی معلوم قیلدی. مذکور وزیر اوشبو تروریستیک حادثه گه همکارلیک قیلگن کیشی لر بیلن علاقه لی تیگشیروونینگ دوام ایتیب تورگن لیگینی اورغولب، حاضرگچه 5 کیشی نینگ اوشلنگن لیگینی بیان ایتدی.

تناون کون ساعت 11:00 ده استانبول نینگ تقسیم میدانی گه یقین استقلال جاده سیده عملگه آشیریلگن خودکش هجوم حادثه سی نتیجه سیده 3 کیشی اسرائیل لیک، بیر کیشی ایران لیک توپلم 4 کیشی اولگن ایدی. اوشبو حادثه نی اویوشتیرگن تروریست نینگ وجود پارچه لری اوز عائله اعضالریدن آلینگن دی این ای نمونه سی بیلن تیگشیریلشی نتیجه سیده محمد اوز ترک ایکن لیگی انیقلندی.

انه شو حالده واشنگتن اداره سی استانبول حادثه سیده اولگن اسرائیل لیک کیشی لرنینگ عین دمده امریکا قوشمه ایالتلری وطنداشی ایکن لیگینی بیلدیردی.