تاریخده بوگون 4 دسامبر یوز بیرگن واقعه لر

656- ییل 4- دسامبر، اسلام  دولتیده ایلک مرته ایچکی اوروش یوز یردی. حضرت علی نینگ حضرت عثمان نینگ قاتللرینی اورته گه چیقرمه گن لیگینی ادعا ایتگنلر حضرت محمد (ص) نینگ تورموش اورتاغی حضرت عایشه نی هم یانلریگه آلیب مخالف قیلیب باشله دیلر. تارتیشوولر قیسقه مدت ایچیده قوراللی توقنه شووگه سبب بولیب کیتدی و ایککی تامان بصره نینگ یقینیده اوروشدی. تاریخ گه «جمال واقعه سی» دیب ثبت بولگن اوروشده حضرت علی یوتوق قازاندی.

1858- ییل 4- دسامبر، انگلیسلر، هندوستان نینگ تورک (اوزبیک) حکمداری بابر شاهنی تختدن توشیریب، سلطان محمود غزنویدن بیری هندوستانده 9 – عصر دوام ترتگن تورک حاکمیتینی اداغگه ییتکیزدی. بابرشاه برمه گه سورگون قیلیندی.

1943- ییل 4- دسامبر، امریکا قوشمه ایالتلری دولت باشلیغی روزوولت و انگلستان باش وزیری چرچیل، تورکیه نینگ آلمانگه قرشی حرب گه کیریشیشی اوچون قاهره ده جمهور باشلیغی عصمت اینونو بیلن اوچره شدی. 3 کون دوام ایتگن بو اوچره شوونینگ اداغیده عصمت اینونو امریکا قوشمه ایالتلری و انگلستان نینگ تورکیه نینگ حرب گه کیریشی طلبینی قبول قیلمه ی رد ایتدی. تورکیه اورش نینگ اداغگه ییتیب باریشی گه قیسقه بیر مدت قالگنده آلمان و جاپانگه قرشی حرب اعلان قیلدی و بیرلشگن ملتلر تشکیلاتی نینگ قورووچی اعضالری قطاریگه اورین آلدی.