تاریخده بوگون 11- دسامبر قیسی حادثه لر یوز بیرگن؟

11- دسامبر

1843- ییل 11- دسامبر کونی، وبا و کولرا کسل لیکلری نینگ میکروبیک تیکشیروولری بیلن تنیلگن روبرت کوچ Robert Koch آلمانده توغیلگن. کوچ توبرکلوز توغریسیده گی کشفیاتلری بیلن 1905 – ییل طب بوییچه نوبل مکافاتینی قولگه کیریتگن دیر.

1936 – ییل 11- دسامبر کونی، انگلستان قیرالی 8- ایدوارد  Edward، ولز سیمپون Wallis Simpson بیلن بیرگه لیکده لیگینی دوام ایتتیریش اوچون حکمدارلیکنی قویباردی. ایدوارنینگ بوقراری انگلیس سلطنتی تاریخیده بیر ایلک ایدی. بو قراریدن اوچ آی آلدین تورکیه گه سفر قیلیب مصطفی کمال آته تورک بیلن اوچره شگن ایدی.

1941- ییل 11- دسامبر کونی، هیتلر و موسولینی، متفقلری جاپان نینگ یانیده توریب امریکا قوشمه ایالتلریگه قرشی اوروش اعلان ایتدیلر.

1978- ییل 11- دسامبر کونی، ایران شهرلریده شاه گه قرشی گروپلب نمایشلر اوتکزیلدی. اصفهان ولایتیده پولیسلرنینگ قتتیق مداخله سی نتیجه سیده توقنه شوو یوز بیردی. عاقبتده 40 کیشی حیاتینی یوقاتدی.

1987- 11- دسامبر کونی، حبابام صنفی، نشه لی کونلر و توسون پاشا کبی تورک سینماسی نینگ مهم فلملریگه رول آلگن تیاتر و سینما صنعتکاری عادله ناشط، استانبولده حیاتینی یوقاتدی.

1993- ییل 1- دسامبر کونی، تورکیه نینگ بغداد بویوک ایلچی لیگی اداری اتشه سی چاغلر یوجل موتریده کیته یاتگن پیتده ترورچیلیک هجومی عاقبتیده حیاتینی یوقاتیب شهید بولدی.

1994- ییل 11- دسامبر کونی، چچنیانینگ بیر تامانلمه اوز اختیاریده مستقل لیگینی اعلان قیلیشی بیلن روسیه قوشینی حرکت گه اوتدی. روسیه یوزلب تانک آرقه لی شهرلرنی اشغال ایتیب باشله دی. بیراق چچنلر چریکی اوروش آرقه لی روشلرنی توخته تیش گه موفق بولدی. 1- روس-چچن اوروشی 1996 – ییلی امضالنگن حاساو-یورت کیلیشووی بیلن اداغگه ییتدی.

1999- ییل 11- دسامبر کونی، اروپا بیرلیگی دولت و حکومت باشلیغلری نینگ جلسه سیده تورکیه گه اعضالیک که کاندید بولیش اورنی بیریلدی. حلسینکی ده گی جلسه نینگ سونگی کونیده تورکیه باش وزیری بلند ایجیوید، اروپا بیرلیگی باشلیغلفری بیلن عایله فوتو صورتی گه توشدی.