بوگون تاریخده قنده ی ینگی لیک لر یوز بیردی؟ 7 دسامبر

1941- ییل 7 دسامبرده, جاپان امریکا قوشمه ایالتلری گه حمله قیلدی.  امریکا قوشمه ایالتلری نینگ پیرل هاربر ده گی دینگیز کوچ لری گه جاپانلیک لر تامانیدن هجوم اویوشتیریلدی.  اوشبو هجوم نتیجه سیده 19 اوروش کیمه سی باتیریلدی, 200 اوروش طیاره سی یوق قیلیندی و 2 مینگ 400 کیشی جان بیردی.  امریکا قوشمه ایالتلری, جاپان و آلمان گه قرشی اوروش اعلان ایتیب ایککینچی جهان اوروشی گه اشتراک ایتدی. 

1956- ییل 7 دسامبرده, تنیقلی تورک یازوچی رشاد نوری گون تیکین 67 یاشده وفات ایتدی. 

1973- ییل 7 دسامبرده, اسلام رواجله نیش بانکی, اسلام کنفرانسی تشکیلاتی اعضاسی 7 اولکه تامانیدن قوریلدی. 

1983- ییل 7 دسامبرده, مادرید هوا قونلغه سیده ایککی اوچاق بیر بیر لری بیلن توقنشدی. اوشبو حادثه عاقبتیده 93 کیشی جان بیردی. 

1988- ییل 7 دسامبرده, ارمنستان ده 7,1 ریشترلیک ییر قیمیرلش حادثه سی یوز بیردی.  خوددی شوو حادثه عاقبتیده 25 مینگ دن آرتیق کیشی جان بیررایکن, 150 مینگ کیشی ایسه یره لندی. 

2017- ییل 7 دسامبرده, تورکیه جمهوریتی جمهوررئیسی رجب طیب اردوغان رسمی بیر سفر بیلن یونان گه تشریف بویوردی.  اوشبو سفر 65 ییل لیک بیر آره دن سونگ تورکیه دن قیلینگن بیرینچی جمهوررئیسی سویه سیده گی سفر دن عبارت بولدی.