بوگون تاریخده قنده ی ینگی لیک لر یوز بیردی؟ 6 دسامبر

1865- ییل 6 دسامبرده, ایچکی اوروش نینگ اداققه ییتیشیشی آرتیدن امریکا قوشمه ایالتلری نینگ اساسی قانونی گه قُللیک نینگ ممنوع قیلینیشی توغریسیده گی 13 – ماده کیریتیلدی.  قللیککه مخالف بولگن امریکا قوشمه ایالتلری دولت رهبری ابراهام لینکولن, اوشبو ماده نینگ تطبیق ایتیلگن لیگی نی کوره آلمه دی.  لینکولن خوددی شوو ییل نینگ اوزیده 18 اپریل کونی اویوشتیریلگن بیر هجوم عاقبتیده جان بیردی. 

1907- ییل 6 دسامبرده, امریکا قوشمه ایالتلری نینگ مونونگاه شهریده یوز بیرگن انفجار حادثه سی عاقبتیده 362 نفر معدن ایشچی سی هلاک بولدی. 

1950- ییل 6 دسامبرده, چین کوریا اوروشی گه قوشیلدی.  بیرلشگن ملت لر تشکیلاتی کنترولی آستیده گی پیونگ یانگ شهری شمالی کوریا اردوسی تامانیدن قولگه کیریتیلدی. 

1959- ییل 6 دسامبرده, تورکیه بیرینچی مرته امریکا قوشمه ایالتلری دولت رهبری نی کوتیب آلدی.  دولت رهبری ایسن هاور رسمی بیر سفر بیلن تورکیه گه کیلدی. 

1971- ییل 6 دسامبرده, هندوستان نینگ پاکستان دن مستقل لیگی نی اعلان ایتگن بنگلدیش نی رسمی تن آلگن لیگی ایککی اولکه اورته سیده دیپلماتیک و حربی بحران گه سبب بولدی. 

1997- ییل 6 دسامبرده, روسیه نینگ انتونوف کارگو اوچاغی سایبریا ده مسکونی بیر منطقه گه قولب توشدی.  اوشبو حادثه عاقبتیده 67 کیشی هلاک بولدی. 

2008- ییل 6 دسامبرده, آتن ده 15 یاشلی بیر یاش باله نینگ پولیس تامانیدن آتیب اولدیریلیشی آرتیدن مظاهره لر باشله دی.  بیر نیچه کون دوام ایتگن اوشبو مظاهره لر جریانیده یوزلب کیشی یره لندی. 

2017- ییل 6 دسامبرده, امریکا قوشمه ایالت لری دولت رهبری دونالد ترامپ, بیت المقدس نی اسرائیل پایتختی اوله راق تن آلگن لیک لری نی بیلدیررایکن, سفارت لری نی بیت القمدس گه انتقال ایتتیره دیگن لیک لری نی معلوم قیلدی.  اسلامی اولکه لر نینگ عکس العملی گه سبب بولگن اوشبو قرار آرتیدن تورکیه نینگ استانبول شهریده ییغیلیش اوتکزگن اسلام همکارلیک تشکیلاتی, شرقی بیت المقدس نی فلسطین نینگ پایتختی اوله راق تن آلگن لیک لری نی اعلان ایتدی.