تاریخده بوگون 16 - مارچ
تاریخده بوگون قیسی حادثه لر یوز بیرگن؟
16- مارچ...
1920 – ییلی 16- مارچ... عثمانی امپراتورلیگی بیلن متفق دولتلر اورته سیده قول قوییلگن موندروس مترکه سی نینگ آرتیدن عثمانی نینگ پایتختی استانبول 1920 – ییلی 16- مارچ کونی ایککینچی مرته اشغال ایتیلدی.
1921- ییلی 16- مارچ... سوسیالیست روسیه جمهوریتلر بیرلیگی، انقره حکومتینی رسمیاتگه تنیدی و مسکو کیلیشووی گه قول قوییلدی. خوددی شو کیلیشوو دوام ایتیب تورگن تورک قورتیلیش حربی جریانیده انقره حکومتی تامانیدن خلق ارا مقیاسده قول قوییلگن ایککینچی کیلیشوو بولدی.
1968 – ییلی 16- مارچ... وینتام حربی جریانیده مای لای My Lai قتل عامی عملگه آشیریلدی. 1968 – ییلی 16- مارچ کونی امریکالیک عسکرلر تامانیدن عملگه آشیریلگن قتل عامده 347 کیشی تینچ اهالی قتل قیلیندی.
1988- ییلی 16- مارچ... زهرلی گازلی بمب لرینی تشووچی سیکیز اوچاق تامانیدن عراقده حلبجه قصبه سی بمباردمان قیلیندی. صدام حسین نینگ امری بیلن اویوشتیریلگن خوددی شو هجوم عاقبتیده 5 مینگدن ارتیق انسان اولیب 7 مینگدن آرتیق انسان یره لندی.
1998 – ییلی 16 مارچ... تورک خلق بیلیمدانی، خلق ادبیاتی و فولکور محقیقی پرتوف نائیلی بوراتاف Pertev Naili Boratav وفات ایتدی. Pertev Naili Boratav ، 2 مینگ قصه، 40 خلق حکایه سی، باله لر اویینی، تورکی قوشیقلر، فکاهی لر و شعرلردن عبارت بای بیر آرشیف یراتدی.
2014 – ییلی 16 مارچ... قیریم، ایجابی بولمه گن بیر ریفراندوم ارقه لی 2014 – ییلی 16 مارچ کونی اوکرایندن ایریلیب روسیه گه باغلب قالیشنی قبول قیلدی.