جمهور باشلیغی ایردوغان 2022 ییلی بودجه سی نینگ تورکیه گه فایده لی بولیشینی تیله دی

ایردوغان کابینه جلسه سی نینگ آرتیدن بیانات بیردی

1750435
جمهور باشلیغی ایردوغان 2022 ییلی بودجه سی نینگ تورکیه گه فایده لی بولیشینی تیله دی

جمهور باشلیغی رجب طیب ایردوغان 2022 ییلی بودجه سی نینگ اولکه و ملت گه فایده لی بولیشینی تیله دی.

جمهور باشلیغی ایردوغان توناون کونی بولیب اوتگن جمهور رئیسلیک مجتمعیده گی کابینه جلسه سی نینگ آرتیدن ملت گه خطاب قیلیب گپیردی.

ایردوغان تورکیه بویوک ملت مجلسیده گی جلسه نینگ اوتگن جمعه کونی یوکونلنگن لیگینی و قبول بولگن 2022 ییلی بودجه سی نینگ اولکه و ملت گه فایده لی بولیشینی تیله دی.

بودجه آرقه لی عملی قیلینه دیگن 67 ته ستراتیژیک پروگرام بیلن تورکیه نینگ اوسیشی گه سرمایه کیریتیش، استخدام، تولید، صادرات آرقه لی اوسیش هدفلریگه حصه قوشه جگینی تاکییدله دی.

ایردوغان جنابلری "بودجه میز ینگیلیکچی و اطرافنی سقلش خصوصیتی بیلن اهمیت گه سزاواردیر. بوگونگچه بولگنیدیک 2022 ییلی بودجه سینی هم عاید و مصرف تابلوسی گه کوره تعیین قیلیب اولکه میزنینگ هدفلریگه و ملتیمیزنینگ برقرارلیگی گه خذمت قیله دیگن شکلده عملی قیله میز" دیدی.

جمهور باشلیغی ایردوغان تورکیه نینگ سونگگی 19 ییلده اورته چه 5،1 فایزلیک اوسیش موفقیتی قولگه کیریتگن بیر اقتصادگه ایگه ایکن لیگینی قید ایتدی.

ایردوغان تورکیه نی دموکراسیده، رواجلنیشده، خوفسیزلیکده، دیپلوماسیده لایق بولگن جایگه آلیب بارگن لیکلرینی معلوم قیلیب اقتصادده هم خوددی شو موفقیت نی قولگه کیریتیش گه قرارلی ایکن لیکلرینی ایتدی.



علاقه لی ینگی لیکلر