ایردوغان کورفز اولکه لری حقیده مهم بیانات بیردی

قطرگه کیتمسدن آلدین مطبوعاتی کنفرانس اویوشتیردی

1743718
ایردوغان کورفز اولکه لری حقیده مهم بیانات بیردی

جمهور باشلیغی رجب طیب ایردوغان تورکیه نینگ قطر قاله ویرسه کورفزده گی ایریم اولکه لر بیلن هم همکارلیک نی رواجلنتیریش گه اورونگن لیگینی ایتدی.

جمهور باشلیغی ایردوغان قطرگه جونب کیتمسدن آلدین استانبول آتاتورک قونلغه سیده اویوشتیرگن مطبوعاتی کنفرانسده تورکیه – قطر مناسبتلری نینگ دوستلیگی بیلن ستراتیژیک نقطه نظردن کون اوتگن سری کوچه ییب بارگن لیگینی شونده ی بولیب سونگگی ییللرده قانیقرلی درجه ده آلغه بارگن لیگینی معلوم قیلدی.

تورکیه – قطرنینگ کوچلی مقاومتلرینی قوریقله گن ایککی دولت ایکن لیگینی اورغوله گن ایردوغان جنابلری قطر بیلن اقتصاد، مدافعه، تجارت، سرمایه کیریتیش ساحه لریده "ایککی تامان منفعتی" اساسیده اورتاقلیک نی کوچه یتیرگن لیکلرینی تیلگه آلدی.

قطر قاله ویرسه کورفزده گی ایریم اولکه لر بیلن هم همکارلیک نی رواجلنتیریش گه اورونگن لیکلرینی بیلدیردی.

ایردوغان "کورفز منطقه سیده دیالوگ ایشیکلری نینگ قیته دن تیکله نیشی و سوئ تفاهملرنینگ برطرف ایتیلیشی بوییچه آلیب باریلگن دیپلوماتیک اورونیشلرنی ممنونیت بیلن کوتیب آله میز. تورکیه اوله راق برچه کورفز اولکه لری بیلن بیرلیگیمیزنی، بیردملیگیمیزنی و بوندن کیینگی مناسبتیمیزنی بوندن هم کوپراق کوچه یتیریب دوام ایتتیریش طرفداری میز" دیب ایتدی.

جمهور باشلیغی ایردوغان مطبوعاتی کنفرانسی نینگ آرتیدن قطرگه جونب کیتدی.



علاقه لی ینگی لیکلر