ایردوغان اسلام همکارلیک تشکیلاتی جلسه سیگه ویدیوئی پیام آرقه لی قتنشدی

ایردوغان مهم بیانات بیردی

1725663
ایردوغان اسلام همکارلیک تشکیلاتی جلسه سیگه ویدیوئی پیام آرقه لی قتنشدی

جمهور باشلیغی رجب طیب ایردوغان ایترلی، توییملی و خوفسیز آذیق – اوقات قولگه کیریتیش برچه نینگ اساسی حقی ایکن لیگینی ایتدی.

ایردوغان اسلام بیرلیگی تشکیلاتی 8- آذیق – اوقات خوفسیزلیگی و ایکینچیلیک رواجلنیشدن مسؤل وزیرلر کنفرانسی گه ویدیو پیامی جونتدی.

ایردوغان جنابلری بو پیامیده دنیا نفوسی کوپه ییب بارگن لیگینی و شونده ی بولیب گلوبال آذیق – اوقات طلبی نینگ هم تاباره کوپه ییب بارگن لیگینی معلوم قیلیب طبیعی آفتلر، سوو قعتلیگی، اورمان یانغینلری، سیل، قوراقلیک کبی اقلیم اوزگریشی نینگ سلبی نتیجه لری نینگ هم آذیق – اوقات منبعلرینی تخریب ایتگن لیگینی ایتدی.

کروناویروس کسل لیگی نینگ قیشلاق خواجه لیگیده طلب و تکلیف توازنینی بوزیب تشله گن لیگینی، تداریک زنجیرلریده کمچیلیک که سبب بولگن لیگینی تیلگه آلگن ایردوغان، دنیا نفوسی نینگ قریب 10 فایزی نینگ آچلیک تهدیدی بیلن دوچ قالگن لیگینی اورغوله دی.

ایردوغان بیر تاماندن 810 میلیون انسان نینگ آذیق – اوقات قولگه کیریتالمه گن لیگینی باشقه تاماندن کتته سرمایه سی بولمیش انسانلرنینگ فضاگه توریستیک سیاحت اوچون یوز میلیونلب دالر خرجت قیلگن لیگی گه اشاره قیلیب شولرنی ایتدی.

" علاقه قوریش بونقه آسان بولگن، دنیا گلوبال بیر قیشلاققه ایلنگن بیر چاغده، باشقه لریدن مینگه نیمه دییش گه حقی یوق دیر. ایترلی، توییملی و خوفسیز آذیق – اوقات قولگه کیریتیش بیر امتیاز ایمس، عکسینچه اساسی حق دیر. اسلام همکارلیک تشکیلاتی اعضالری اوله راق بوندن آرتیق عادل بیر دنیا اوچون سیسیمیزنی چیقریش، انسانلیک که قرشی مسؤلیتیمیزدیر. شو اوچون اورته میزده گی بیردملیک و همکارلیک نی کوپه یتیریشیمیز جوده مهم دیر" دیب گپیردی.

ایردوغان کینگ ایکیله دیگن ساحه لرنینگ قاله ویرسه مناسب جغرافی و اقلیم شرطلری سبب انچه قیشلاق خواجه لیگی محصولیده دنیا مقیاسیده ییتکچی بولیب تورگن تورکیه نینگ تجربه و امکانیتلریدن فایده لنیشینی آرزو ایتگن لیکلرینی بیلدیردی.



علاقه لی ینگی لیکلر