ایردوغان افغانستان بوییچه مهم بیانات بیردی

تورکیه گه کیلگن طالبان هیئاتی اوچره شووی حقیده هم سوز یوروتدی

1720371
ایردوغان افغانستان بوییچه مهم بیانات بیردی

جمهور باشلیغی رجب طیب ایردوغان سوریه ده بولووچی ترور تشکیلاتی پی کاکا / وای پی جی نی امریکا قوشمه ایالتلری و بشارالاسد تیزیمی قوللب – قوتله گن حالده تورلی کوره ش بیره جکلرینی بیلدیردی.

 جمهور باشلیغی ایردوغان استانبولده جمعه نمازیدن کیین ژورنالیستلرنینگ سواللریگه جواب قیتردی.

سوریه نینگ شمالیده بولووچی ترور تشکیلاتی پی کاکا / وای پی جی / وای پی دی نینگ بولگن لیگینی و بورلرنی قوللب – قوتله گن اولکه لر باشده ائتلاف کوچلری و امریکا قوشمه ایالتلری نینگ بولگن لیگینی معلوم قیلگن ایردوغان جنابلری شولرنی ایتدی:

"بولر بیرگن تورلی کمک، قورال، مهمات بیلن بیرگه لیکده بو جایده ترورچیلیک آلیب بارماقده لر. بولرگه قرشی بیز کوره ش آلیب بارماقده میز. تیزیم بولردن کوچ آله دی. بولرگه قرشی کوره شیمیز بوندن کیینگی جریانده بوندن کوچلی و فرقلی شکلده دوام ایته دی. ترور تشکیلاتلریگه قرشی امریکا قوشمه ایالتلری نینگ او جایده گی معلوم کوچلریگه قرشی کیره کلی شکلده کوره ش آلیب باره میز، بو توغریده قرارلی میز" دیب گپیردی.

افغانستانده گی ینگیلیکلرنی هم تیلگه آلگن جمهور باشلیغی ایردوغان طالبان نینگ دنیاده رسمی روشده تن آلیش اورونیشیده ایکن لیگینی ایتدی.

توناون کونی تورکیه گه کیلگن طالبان هیئاتی بیلن آلیب باریلگن اوچره شوولرده انسانی یاردم قاله ویرسه افغانستانده گی ینگی جریان نینگ آلغه باریشی توغریسیده بعضی بیر طلبلری بولگن لیگینی افاده ایتگن ایردوغان شولرنی ایتدی:

"بو طلبلر توغریسیده بیز افغانستان خلقی گه تورلی یاردم کورسته میز. بو باشقروو افغانستانده حقیقتن خلق ارا مناسبتلرده، حقیقتن افغانستان خلقی نینگ حقلرینی قوریقلشده عادل بیر یانداشوو ایچیده بولسین بوله دی. مناسبتلریده بیزلر بیلن خلق ارا مناسبتلرده تینگ و عادل بیر یانداشوو ایچیده بولسین. بونقه بیر آدیم اتیلگن تقدیرده افغانستان خلقی بیلن قدیم بیر دوستلیگیمیز بار بونی بیر تامانگه تشلش ممکن ایمس دیر" دیب افاده ایتدی.



علاقه لی ینگی لیکلر