تورکیه ده اوچاق فابریکه سی تاریخچه سی حقیده قیسقه معلومات

تورکیه ده اوچاق فابریکه سی نینگ میلادی 1926- ییلده قوریلگن لیگی نی بیله سیز می؟

1710906
تورکیه ده اوچاق فابریکه سی تاریخچه سی حقیده قیسقه معلومات

جمهوریت نینگ اعلان ایتیلیشی آرتیدن تورکیه ده برچه ساحه لر بوییچه مثبت ینگیلیک لر یوز بیره باشله دی.  اوشبو ساحه لردن بیری ایسه هواچیلیک ساحه سیدن عبارت بولدی.  مصطفی کمال اتاتورک تورکیه ده هواچیلیک نینگ رواجله نیشی گه کتته اهمیت بیرماقده ایدی.  میلادی 1925- ییل 7- سپتامبرده وزیرلر کینگشی نینگ قراری بیلن 3,5 میلیون تورک لیره سی سرمایه سی بولگن بیر شرکت قوریلدی.  اوشبو شرکت نینگ 51 فایزلیک حصه سی تورکیه جمهوریتی ملی مدافعه وزیرلیگی و قالگن 49 فایزلیک بولیمی ایسه آلمان نینگ Junkers اوچاق فابریکه سی گه عاید ایدی.  قیصری ده گی اوچاق فابریکه سی اوچون کیره کلی بولگن مواد آلمان دن کیتیریلدی.  میلادی 1926- ییل 6- اکتوبر کونی دولت مراسمی بیلن آچیلگن فابریکه, 6 هنگر ده 50 تورک و 120 نفر آلمان ایشچی بیلن تولید فعالیت لری گه باشله دی.  فابریکه قوریلگن پیتده دنیا نینگ اینگ کتته اوچاق فابریکه لری دن بیری ایدی. 

قوریلیشی دن ایککی ییل کیین آلمان شرکتی, حصه لری نی تورک هوا اداره سی گه تاپشیردی و فابریکه معلوم بیر مدت اوز فعالیتی نی توخته تیب قویدی.  میلادی 1930- ییلده قیته آچیلگن قیصری اوچاق فابریکه سیده میلادی 1942- ییل گه قدر توپلم 212 اوچاق ایشلب چیقاریلدی.  میلادی 1940- ییل لرده امریکا قوشمه ایالتلری نینگ تورکیه گه قیلگن مارشال یاردم لری نینگ هم تاثیری بیلن اوچاق فابریکه سی نینگ تولید فعالیت لری توخته دی, کیین ایسه مذکور فابریکه, هوا اکمال و مراقبت مرکزی گه ایلنتیریلدی. 



علاقه لی ینگی لیکلر