اردوغان: امریکا قوشمه ایالتلری نینگ ترور تشکیلات لرینی قوللب- قُوَتلمسلیگی کیره ک

اردوغان اوشبو مطلب نی سی بی اس تلویزیونی بیلن قیلگن مصاحبه سیده بیلدیردی

1710743
اردوغان: امریکا قوشمه ایالتلری نینگ ترور تشکیلات لرینی قوللب- قُوَتلمسلیگی کیره ک

تورکیه جمهوریتی جمهوررئیسی رجب طیب اردوغان, بیرلشگن ملتلر تشکیلاتی 76- عمومی کینگش ییغیلیشی اوچون تشریف بویورگن نیویورک شهریده امریکا نینگ سی بی اس تلویزیونی بیلن مصاحبه قیلدی. 

اردوغان, ترور تشکیلات لری نی قوللب- قوتله گن لیگی اوچون امریکا قوشمه ایالتلری نی تنقید قیلدی. 

جمهوررئیس اردوغان, "ترور تشکیلاتی پ.ک.ک- وای پی جی- پی وای دی نینگ بو طریقه قورال بیلن تامینلنمس لیگی کیره ک" دییه قید ایتدی. 

اردوغان اوز سوز لری نی, "آلدینگی دولت رهبری حرمتلی ترامپ دوریده هم اوزیگه بیلدیرگن ایدیم.  حاضرگی کونده هم ینه موتر لر گه یوکلنگن سلاح و مهمات منطقه گه (سوریه و عراق) کیلماقده.  بولرنینگ همه سی نی بیز استخبارات اداره میز آرقه لی هم اولر گه بیلدیردیک و بیلدیرماقده میز. بوندن کیین هم البته که خوددی شونده ی بیلدیریش گه دوام ایته میز" شکلیده دوام ایتتیردی. 

جمهوررئیس اردوغان, "بولرنی امریکا قوشمه ایالتلری دولت رهبری جو بایدن گه هم بیلدیردینگیز می؟" شکلیده گی بیرسئوال گه هم جواب قیتردی. 

اوشبو سئوال گه جواب قیترگن اردوغان, "بولرنینگ همه سی نی مخاطب لری میز گه بیلدیردیک.  حاضر مینینگ استخبارات اداره سی باشلیغیم بونی مخاطبی گه بیلدیرماقده.  بوندن کیین هم بیلدیره میز.  زیرا بعضی حقیقت لر بار.  امریکا قوشمه ایالتلری ناتو اعضاسی بیر اولکه.  بیز هم ناتو اعضاسی بیر اولکه دن عبارت میز. ناتو دایره سیده بیر یقه دن باش چیقاریشی میز کیره ک ایکن, ترور تشکیلات لری نینگ بونده ی حمایه گه ایگه بولمس لیگی کیره ک.  بونی هم اَیتیشی میز شرط" دییه قید ایتدی.



علاقه لی ینگی لیکلر