اردوغان افغانستان مسئله سی بوییچه پوتین بیلن اوچره شه دی

اوشبو مطلب نی کرملین سوزچیسی بیلدیردی

1711144
اردوغان افغانستان مسئله سی بوییچه پوتین بیلن اوچره شه دی

روسیه دولت رهبرلیگی سرایی (کرملین) سوزچیسی دیمیتری پیسکوف, روسیه جمهوررئیسی ولادیمیر پوتین نینگ تورکیه جمهوریتی جمهوررئیسی رجب طیب اردوغان بیلن بولیب اوته دیگن اوچره شوویده افغانستان, روسیه و لیبیا مسئله سی بوییچه سوز یوریتیله دیگن لیگی نی معلوم قیلدی. 

پیسکوف, 29 – سپتامبر کونی روسیه نینگ سوچی شهریده بولیب اوته دیگن اوشبو اوچره شوو بیلن علاقه لی تیارگرلیک لرنینگ دوام ایتیاتگن لیگی نی بیلدیردی.

سوزچی, "ایکله رهبر نینگ هردایم گپیره دیگن کوپ گپی بار.  بیرینچی دن سوریه و البته که افغانستان مسئله سی هم کون ترتیبیده بوله دی.  هردایم بولگن لیگی دیک لیبیا و باشقه خلق ارا مسئله لر بوییچه هم فکر المه شیله دی" دییه قید ایتدی. 

پیسکوف, اوچره شووده تورکیه بیلن روسیه اورته سیده گی مناسبت لر باره سیده هم بحث ایتیله دیگن لیگی نی معلوم قیلدی. 

سوزچی, اوز سوز لری نی, "ایککی تامانلمه مناسبت لر جهتی دن کوپلب موضوع موجود؛ اقتصاد ساحه سی بوییچه اورتاق پروژه لر حقیده باش قاتیریش, تجاری و اقتصادی مناسبت لر" شکلیده دوام ایتتیردی. 



علاقه لی ینگی لیکلر