جمهوررئیس ایردوغان انتالیا دیپلماسی ییغیلیشیده معروضه قیلدی

ایردوغان: خلق ارا جامعه کووید 19 گه قرشی کوره ش نی یخشی باشقره آلمه دی

1660861
جمهوررئیس ایردوغان انتالیا دیپلماسی ییغیلیشیده معروضه قیلدی

تورکیه جمهوریتی جمهوررئیسی رجب طیب ایردوغان, خلق ارا جامعه نینگ ینگی تور کرونا ویروس (کووید 19) گه قرشی کوره ش نی یخشی باشقره آلمه گن لیگی نی بیلدیردی.

ایردوغان, "بیرلشگن ملتلر تشکیلاتی خوفسیزلیک کینگشی تاریخ نینگ اینگ کتته ساغلیق بحرانی نی 100 کون کیین کون ترتیبی گه کیتیریش گه موفق بولدی.  پاندمی دوریده گی ینگلیشلیک لرنینگ تکرارلنمس لیگی اوچون واکسین ملیتچی لیگی گه فرصت بیریلمس لیگی مهم" دییه قید ایتدی. 

ایردوغان, کووید 19 گه قرشی کوره ش دایره سیده تورکیه نینگ 158 اولکه و 12 خلق ارا موسسه گه ساغلیق موادی یاردم بیرگن لیگی نی معلوم قیلدی. 

ایردوغان, "جاری ییل نینگ سونگگی گه قدر تکمیل قیلینیشی ریجه لنگن واکسین بوییچه فعالیت لری میز نی انسان لر نینگ منفعتی گه اویغون بیر شکلده دوام ایتتیره میز.  اوشبو واکسین نی انشاالله برچه انسان لر بیلن اورتاقله شه میز" دییه قید ایتدی. 

"بیرلشگن ملتلر تشکیلاتی داخل خلق ارا ساختار لر ییچیم ایمس بلکه معما نینگ بیر بولگی دن عبارت.  بو ساختار لر بیلن 21 – عصرده گی فعالیت لری میز نی دوام ایتتیریشی میز ممکن ایمس" دییه قید ایتگن ایردوغان, "8 میلیارد گه یقین کیشی نینگ کیله جگی نینگ بیرلشگن ملت لر تشکیلاتی نینگ دایمی اعضاسی 5 اولکه گه تاپشیریلیشی ممکن ایمس.  190 اولکه گه معلوم بیر مدت میزده اوتیریش گه حق بیرگن لیکن اوز کیله جک لری بیلن علاقه لی سوز حقی بیرمه گن تیزیم بیلن عدالت نینگ تامین ایتیلیشی ممکن ایمس.  عدالت نینگ موجود بولمه گن بیر جای ده هردایم اوروش, بحران و زورانلیک موجود بوله دی.  حق و عدالت نی مدافعه قیلیش گه دوام ایته میز" شکلیده دوام ایتتیردی. 

جمهوررئیس ایردوغان, معروضه سیده, تورکیه نینگ 252 تشقی نماینده لیگی بیلن اینگ کینگ 5- دیپلماتیک ارتباط گه ایگه اولکه ایکن لیگی نی معلوم قیلدی. 

ایردوغان, تورکیه نینگ سوریه ده فعالیت آلیب باریاتگن پ.ک.ک, وای پی جی و داعش کبی ترور تشکیلات لری گه قرشی ساحه ده کوره شگن ایلک اولکه ایکن لیگی نی بیلدیردی. 

ایردوغان, "بیز 4 مینگ 5 یوز داعش ترورچی سی نی یوق قیلدیک.  حاضرگی کون گه قدر 430 مینگ سوریه لیک نینگ اوز یورت لری گه قیتیشی اوچون شرایط تامین ایتیب بیردیک.  اولرنی خیمه لردن قوتقرماقده میز. تیار اوی لر کبی پروژه لر نی قوللب قوتله ماقده میز.

اولکه میزده عادی اهالی نی اولدیرگن قاتل لرنی سیاستچی دیب قیلیب اوزاق ییل لر حمایه آستی گه آلدی لر.  جنوبی چیگره میزده بیر تروریزم دولتی نینگ قوریلیشی گه حرکت قیلیندی.  سوریه ده تینچلیک و برقرارلیک نینگ اورنه تیلیشی بوییچه فقط گینه تورکیه ایمس بلکه همه میز مسئولیت گه ایگه میز" دییه قید ایتدی. 

جمهوررئیس ایردوغان, "شرقی اورته ییر دینگیزی ده گی انرژی منبع لری نینگ جنجال اورنیگه همکارلیککه سبب بولیشی بیز نینگ قولی میزده.  کیلگوسیده تورکیه افریقا دن باشلب لاتین امریکا و پسیفیک دن آسیا گه قدر برچه جغرافیه لر بیلن همکارلیک نی آرتیریش نی آرزو قیلماقده" شکلیده دوام ایتتیردی. 



علاقه لی ینگی لیکلر