کابل قونلغه سی نینگ خوفسیزلیگی نینگ تامین ایتیش مسؤلیتی نی تورکیه نینگ اوز بوینی گه آلیشی ممکن

بو توغریده انقره بیلن واشنگتن اورته سیده اوچره شوولر بولیب اوتماقده

1655434
کابل قونلغه سی نینگ خوفسیزلیگی نینگ تامین ایتیش مسؤلیتی نی تورکیه نینگ اوز بوینی گه آلیشی ممکن

امریکا قوشمه ایالتلری مدافعه وزیرلیگی (پینتاگون) سوزچیسی جان کربی، امریکا قوشمه ایالتلری نینگ چیقیشیدن کیین افغانستان نینگ پایتختی کابل ده گی حامد کرزی خلق ارا قونلغه سی نینگ امنیتی اوچون تورکیه بیلن اوچره شوولر اوتکزگن لیکلرینی ایتدی.

کونده لیک مطبوعاتیده "تورکیه ملی مدافعه وزیری خلوصی آقرنینگ شرطلر تامین ایتیلگن تقدیرده تورکیه نینگ کابل ده گی حامد کرزی خلق ارا قونلغه سی نینگ امنیتینی دمّه سیگه آلیشی ممکن" دیگن سورلری بیلن تیگیشلی بیر سوالگه جواب بیرگن کربی بو بیاناتلردن خبری یوقلیگینی بیراق انقره بیلن بو توغریده اوچره شوولرنینگ بولیب تورگن لیگینی بیلدیردی.

کربی "تورک ییتکچیلر بیلن اولرنینگ کابل قونلغه سیده امنیت تامین ایتیش ریجه لری بوییچه دوام ایتیب تورگن اوچره شوولریمیز بار. بو جمهور باشلیغی ایردوغان تامانیدن قرار بیریله دیگن بیر قرار و بونگه حرمتیمیز بار. البته بعضی بیر ملاقات یوز بیردی و بو قونلغه ده گی خوفسیزلیک، نیمه شکلده بولسه بولسین نه فقط امریکا قوشمه ایالتلری عین دمده ایریم اولکه لرنینگ هم کابلده گی دیپلومات موجودیتلرینی دوام ایتتیریشلری اوچون جوده مهم" دیب ایتدی.

مدافعه وزیری آقر سه شنبه کونی بیرگن بیاناتیده افغانستان بیلن تیگیشلی امریکا قوشمه ایالتلری ییتکچیلری بیلن ملاقات قیلیگن لیکلرینی معلوم قیلیب شولرنی ایتگندی.

"بیزنینگ شرطلرگه بناً افغانستانده قالیش نی خواهله یمیز. شرطلریمیز نیمه دن عبارت؟ سیاسی، مالی و لوجستیک همکارلیک. بولر عملی قیلینگن تقدیرده بیزنینگ کابل حامد کرزی خلق ارا قونلغه سیده قالیشیمیز ممکن" دیگندی.

امریکا قوشمه ایالتلری دولت باشلیغی جو بایدن 11 سپتامبرنینگ ییل لیگی گچه افغانستانده گی برچه امریکا عسکرلری نینگ چیقیشی بوییچه بویروق بیرگندی.

امریکا قوشمه ایالتلری مرکزی کوچلر (CENTCOM)  قومندانلیگی نینگ راپوریگه کوره 50 فایز چیقیش جریانی عملگه آشیریلگن وضعیتده.



علاقه لی ینگی لیکلر