سلیمان سویلو: ترور تشکیلاتی پ.ک.ک نینگ 300 دن آز قوراللی ترورچیسی قالدی

تورکیه ایچکی ایشلر وزیری سلیمان سویلو اوشبو توغریده مهم بیانات لر بیردی

1613615
سلیمان سویلو: ترور تشکیلاتی پ.ک.ک نینگ 300 دن آز قوراللی ترورچیسی قالدی

تورکیه جمهوریتی ایچکی ایشلر وزیری سلیمان سویلو, یورت ایچیده بولووچی ترور تشکیلاتی پ.ک.ک نینگ 300 دن آز قوراللی ترورچیسی نینگ قالگن لیگی نی معلوم قیلدی. 

سلیمان سویلو بیرگن بیاناتیده, اوتگن ییلده ترور تشکیلاتی پ.ک.ک گه 53 کیشی نینگ قوشیلگن لیگی نی بیلدیردی. 

بیراق سویلو, اوتگن ییلده پولیس و قوراللی کوچ لرنینگ کوندیریش فعالیت لری نتیجه سیده 243 کیشی نینگ تاغدن توشیریلگن لیگی نی بیلدیردی. 

جاری ییلده ترور تشکیلاتی گه 11 کیشی نینگ قوشیلگن لیگی نی بیلدیرگن سویلو, خوددی شوو ییل نینگ اوزیده خوفسیزلیک کوچلری گه کیلیب تسلیم بولگن لر سانی نینگ ایسه 40 نفر گه کوتریلیب کیتگن لیگی نی معلوم قیلدی. 

حاضرگی کونده ترور تشکیلاتی پ.ک.ک نینگ یورت ایچیده گی قوراللی ترورچی لری سانی نینگ 300 دن آز ایکن لیگی نی بیلدیرگن سویلو, "بو ییل اولر گه تاریخ نینگ اینگ قتتیق ضربه سی نی اوره میز.  ترور تشکیلاتی نی هر جایده یوق قیلیش بوییچه قرارلی میز" دییه قید ایتدی. 



علاقه لی ینگی لیکلر