تورکیه تشقی ایشلر وزیری مولود چاووش اوغلی: افغانستان نی قوللب - قوتلش گه دوام ایته میز

تورکیه - افغانستان دیپلوماتیک مناسبتلری نینگ 100 ییل لیگی مناسبتی بیلن کابل ده اویوشتیریلگن مراسم گه ویدیو کنفرانس آرقه لی قتنشدی

1592960
تورکیه تشقی ایشلر وزیری مولود چاووش اوغلی: افغانستان نی قوللب - قوتلش گه دوام ایته میز

تورکیه جمهوریتی تشقی ایشلر وزیری مولود چاووش اوغلی تورکیه تامین ایتیب بیرگن اسکونه لر و اوقیتیش نی قوللب – قوتلش بیلن افغانستان نینگ خوفسیزلیگی گه حصه قوشگن لیگینی معلوم قیلیب،

"افغانستانلیک قرداشلریمیز خواهله گن پیت گچه بو اولکه گه بولیش گه دوام ایته میز" دیدی.

چاووش اوغلی جنابلری تورکیه بیلن افغانستان اورته سیده دیپلوماتیک مناسبتلرنینگ قوریلیشی نینگ 100 – ییل لیگی مناسبتی بیلن افغانستانلیک کسبداشی حنیف اتمرنینگ میزبانلیگیده کابلده اوتکزیلگن مراسم گه ویدیو کنفرانس آرقه لی قتنشدی.

چاووش اوغلی ایککی اولکه مناسبتی نینگ مشترک تاریخ و مدنیت دایره سیده شکللنگن لیگینی معلوم قیلدی.

"خلقیمیز اینگ قیین پیتلرده بیر بیری نینگ یانیده بولگن دیر. قوتیلیش اوروشیمیز پیتیده اینگ قیین وضعیتده افغانستان نینگ تورکیه بویوک ملت مجلسی حکومتینی تن آلیشی اولکه میزگه کوچ بیرگن دیر.

تورکیه ایسه کابلده بویوک ایلچیلیک آچگن ایلک دولت دیر. ینگه قوریلگن تورکیه بیر تاماندن اوزی نینگ رواجلنیشی اوچون اورونماقده ایدی بیر تاماندن ایسه افغانستان نینگ کوچلی بیر اولکه اوله راق اوز ایاقلری اوستیده توریشی اوچون قوللب – قوتله گن دیر" دیب ایتدی.

مولود چاووش اوغلی ایککی اولکه نینگ خلق ارا همجمعیتده و کوپ تامانلی میکانیزملرده یقیندن همکارلیک قیلیب تورگن لیگینی معلوم قیلیب تورکیه بیلن افغانستان نینگ تروریزم گه قرشی کوره ش بوییچه بیرگه لیکده حرکت ایتگن لیگینی ایتدی.

تورکیه نینگ افغانستان نینگ رواجلنیشی گه و برقرارلیگی گه بولگن همکارلیگی نینگ دوام ایته جگی گه اشاره قیلیب شولرنی ایتدی چاوو اوغلی جنابلری.

"افغانستان گه قره ته رواجلنیش همکارلیکلریمیز اولکه میز عملگه آشیرگن اینگ بویوک یاردم پروگراملری نینگ بیرینچی قطاریده اورین آلماقده دیر. اوقیتیش، ساغلیقنی سقلش، زیربنا کبی تورلی ساحه لرده 1 مینگ 300 اطرافیده پروزه عملی قیلدیک. افغانستانده قوریلگن 100 دن آرتیق مکتب 4 مینگدن آرتیق یاش – ایگیت قرداشلریمیزگه بیرگن بورسیه لر بیلن اولکه نینگ کیله جگی گه حصه قوشماقده میز" دیدی.

تورکیه نینگ پاندیمی پیتیده هم افغانستان نی یالغیز قویمه گن لیگینی اورغوله گن مولود چاووش اوغلی،

"افغانستان خوفسیزلیک کوچلری گه بیرگن اوقیتیش و اسکونه قوللب-قوتلشی بیلن ناتو چوکاتیده وظیفه آلیب باراتگن عسکرلریمیز بیلن قرداشلریمیزنینگ خوفسیزلیگی گه حصه قوشیش گه دوام ایتماقده میز. افغانستانلیک قرداشلریمیز خواهله گن پیت گچه بو اولکه گه بولیش گه دوام ایته میز" دیب ایتدی.

چاووش اوغلی افغانلر ارا مذاکره لرنینگ هم تینچیلک اوچون بیر فرصت یراتگن لیگینی و تورکیه نینگ بو اورونیشلرگه حصه قوشیش گه دوام ایته جگینی ایتدی.



علاقه لی ینگی لیکلر