تی آر تی عمومی رئیسی ابراهیم اره ن آسیا پسیفیک نشرات بیرلیگی نینگ باشلیغی ایتیب سیلندی

ابراهیم اره ن آرا اتفاقی بیلن باشلیق ایتیب سیلنگن

1546765
تی آر تی عمومی رئیسی ابراهیم اره ن آسیا پسیفیک نشرات بیرلیگی نینگ باشلیغی ایتیب سیلندی

ایللیک ییتتینچی آسیا پسیفیک نشرات بیرلیگی عمومی کینگشی ده بولیب اوتگن سیلاو نتیجه سیده, تورکیه رادیو تلویزیونی (تی آر تی) نینگ رئیسی ابراهیم اره ن آرا اتفاقی بیلن اوشبو بیرلیک نینگ باشلیغی ایتیب سیلندی. 

ویتنام پایتختی هانوی ده بولیب اوتیشی ریجه لنگن 57- آسیا پسیفیک نشرات بیرلیگی نینگ عمومی کینگشی ییغیلیشی و اوشبو دایره ده گی جلسه لر کرونا ویروس پاندمی سی سببلی انترنت آرقه لی بولیب اوتدی. 

ایللیک ییتتینچی آسیا پسیفیک عمومی کینگشی ریاستی اوچون بولیب اوتگن سیلاو نتیجه سیده تی آر تی عمومی رئیسی ابراهیم اره ن آرا اتفاقی بیلن اوشبو کینگش نینگ باشلیغی ایتیب سیلندی.  ابراهیم اره ن, 72 اولکه دن 271 اعضاسی بیلن دنیا نینگ اینگ کتته نشرات بیرلیگی دن عبارت اوشبو بیرلیک نینگ رئیسی بولگن بیرینچی تورک بولدی.  اره ن نینگ ریاستی 2023- ییل 13 دسامبر گه دوام ایته دی. 

ابراهیم اره ن, باشلیق ایتیب سیله نیشی بوییچه, تی آر تی نینگ کونساین آرتیب باریاتگن موفقیتی, چیت ایللرده گی فعالیت لری و فرقلی تیل لرده آلیب باریاتگن نشراتی نینگ رول اوینه گن لیگی نی معلوم قیلدی. 

باشلیق ایتیب سیله نیشی آرتیدن بیانات بیرگن ابراهیم اره ن, بو طریقه کوچلی بیر حمایت بیلن دنیا نینگ اینگ کتته نشرات بیرلیگی نینگ باشلیغی ایتیب سیله نیش نینگ مختاوگه سزاوار ایکن لیگی نی بیلدیررایکن, "اوشبو موفقیت, اولکه میز نینگ کوچی و تی آر تی نینگ خلق ارا مقیاسده گی موثریتی دن کیلیب چیقماقده.  مذکور بیرلیک نینگ برچه اعضا لری و همکار لریم گه منتدارچیلیک بیلدیره من.  خیرلی بولسین" دییه قید ایتدی. 



علاقه لی ینگی لیکلر