خلیلزاد افغانستان ده تینچلیک مذاکره لری بوییچه تورکیه گه سفر قیله دی

اوشبو مطلب نی امریکا قوشمه ایالتلری تشقی ایش لر وزیرلیگی بیلدیردی

1539604
خلیلزاد افغانستان ده تینچلیک مذاکره لری بوییچه تورکیه گه سفر قیله دی

امریکا قوشمه ایالتلری نینگ افغانستان بوییچه خاص نماینده سی زلمی خلیلزاد, افغانستان ده تینچلیک مذاکره لری نی بهالنتیریش اوچون تورکیه و قطر گه سفر قیله دی. 

امریکا قوشمه ایالتلری تشقی ایش لر وزیرلیگی تامانیدن بیریلگن بیاناتده, "خلیلزاد, تورکیه ده افغانستان تینچلیک مذاکره لری اوچون خلق ارا کوردیناسیون و تورکیه نینگ حمایتی توغریسیده اوچره شوو لر اوتکزه دی" دییه قید ایتیلدی. 

بیاناتده, خلیلزاد نینگ قطرده افغانستان لیک تامان لر بیلن اوچره شه دیگن لیگی معلوم قیلیندی. 

افغانستان حکومتی بیلن طالبان اورته سیده 12 سپتامبرده دوحه ده باشله گن و فکر فرقلی لیق لری سببلی معطل قیلینگن تینچلیک مذاکره لری, اوتگن کون لرده تکرار باشله گن ایدی. 

ایککی تامان نینگ هم تائیدی بیلن مذاکره لرنینگ اصولی توغریسیده کیلیشوو گه ایریشیلرایکن, بوندن کیین ایسه اساسی مذاکره محتواسی بوییچه مذاکره لر باشله یدی. 

ایککینچی مذاکره نینگ نیچه کون دوام ایته دیگن لیگی حاضرچه انیق ایمس ایکن, بو مذاکره لرنینگ هم مثبت اوتیشی تقدیرده, اساسی تینچیلیک مذاکره لری باشله یدی. 



علاقه لی ینگی لیکلر