فرانسه ده اسلام گه مخالفت جوده یمان بیر وضعیت گه کیلیب قالدی

اوشبو مطلب نی تورکیه نینگ چیت ایللرده گی تورک لر اداره سی نینگ باشلیغی بیلدیردی

1523307
فرانسه ده اسلام گه مخالفت جوده یمان بیر وضعیت گه کیلیب قالدی

تورکیه جمهوریتی نینگ چیت ایللرده گی تورک لر و قرینداش جمعیت لر اداره سی نینگ باشلیغی عبدالله اره ن, فرانسه ده کیچیک باله لرنینگ نظارت آستیگه آلینیب تیرگاو قیلینیشی بیلن علاقه لی بیانات بیردی. 

اره ن, "فرانسه ده اسلام گه مخالفت جوده هم یمان بیر وضعیت گه کیلیب قالدی" دییه قید ایتدی. 

تویتر آرقه لی تورک و فرانسوی تیل لریده بیر پیام ترقه تگن اره ن, "10 یاشیده 4 باله. 3 ته سی تورک و 1 ته سی ایسه مغرب لیک.  مجهز پولیس لر ایرته لب اوی لر گه باسیب کیریب, اویاندیردی لر.  باله لر 11 ساعت نظارت آستیده قالدی.  حتی معلومات یازیلگن بیر کاغذ هم بیریلمه دی. عقل, وجدان و حقوق نینگ بونی قبول قیلیشی ممکن ایمس" دییه قید ایتدی. 

اره ن, اوشبو وضعیت نی کوزه ته دیگن لیک لری نی معلوم قیلدی. 

فرانسه نینگ آلبرت ویل شهریده یشیاتگن 10 یاشیده گی 3 ته سی تورک و 1 ته سی ایسه مغرب لیک 4 باله, مکتب لریده حضرت محمد (ص) گه حقارت محتواسی گه ایگه کاریکاتور لر بیلن علاقه لی بحث و مناظره لر آرتیدن ایرته لب پولیس تامانیدن اوی لری دن آلیب کیتیلیب تیرگاو قیلینگن ایدی.

باله لر افراطی له شیش تمایلی نینگ بولگن لیگی یاکه بولمه گن لیگی نینگ انیقلشتیریلیشی ادعا سی بیلن 11 ساعت نظارت آستی گه آلینیب تیرگاو قیلینگن ایدی.



علاقه لی ینگی لیکلر