تورکیه یونان گه قتتیق جواب قیتردی

اوشبو خصوصده تورکیه تشقی ایش لر وزیرلیگی سوزچیسی حامی آقسوی بیانات بیردی

1477234
تورکیه یونان گه قتتیق جواب قیتردی

تورکیه جمهوریتی, کاریه مسجدی بیلن علاقه لی یونان گه قتتیق جواب قیتردی. 

تورکیه جمهوریتی تشقی ایش لر وزیرلیگی سوزچیسی حامی آقسوی, کاریه مسجدی نینگ, ایاصوفیه جامع مسجدی سنگری, تورکیه ده اورین آلگن بیر فرهنگی میراث دن عبارت ایکن لیگی نی بیلدیردی.

آقسوی, کاریه مسجدی نینگ عبادت گه آچیلیشی بیلن علاقه لی یونان تشقی ایش لر وزیرلیگی تامانیدن بیریلگن بیانات توغریسیده گی بیر سئوال گه تحریری جواب قیتردی.

آقسوی, "بیر دنیا میراث ساحه سی گه کیریتیلگن اوزگریش, بیرلشگن ملت لر بیلیم و فرهنگ تشکیلاتی نینگ (یونسکو) دنیا فرهنگی و طبیعی میراث نینگ قوریقله نیشی بوییچه کیلیشووی گه ضد ایمس" دییه قید ایتدی.

سوزچی, تورکیه ده گی فرهنگی میراث نینگ جوده یخشی بیر شکلده قوریقله نیاتگن لیگی نی ایسله تیب اوتدی.

آقسوی, "فرهنگ و تاریخی میز نینگ یخشی نیت عنعنه سی و خلق ارا کیلیشوو لر چوکاتیده گی حق و مسئولیت لر دایره سیده برچه فرهنگی بای لیک لری میز نی جوده یخشی بیر شکلده قوریقله ماقده میز" دییه قید ایتدی.

سوزچی, یونان نینگ اولکه سیده گی عثمانی مسجد لری نی کلیسا گه ایلنتیرگن لیگی, خلق ارا کیلیشوو لر گه قره مسدن, تورک اقلیت لرنینگ حق لری و ایرکین لیک لری نی چیکلب قویگن لیگی نی معلوم قیلدی.

آقسوی, اوز سوز لری نی, "یونان نینگ اوشبو خصوصده بیزگه درس بیریش گه حرکت قیلیشی بخت سیزلیک دن عبارت.  یونان نینگ تاریخی کمچیلیک لری سببلی منطقه ده کیره ک سیز آجندا یره تیش بوییچه سعی و حرکت لری موفقیت سیزلیککه اوچره گن وضعیتده. یونان نی ینه بیر بار اوز تاریخی بیلن یوز مه یوز بولیش و مسلمان لرنینگ اوشبو اولکه ده ایرکین عبادت قیلیش لری اوچون امکانیت یره تیب بیریش گه چقیره میز" شکلیده دوام ایتتیردی. 



علاقه لی ینگی لیکلر