استانبول ایا صوفیه مسجدی نینگ آچیلیش پروگرامی باشلندی

جمهور باشلیغی ایردوغان هم تشریف بویوردی

1461214
استانبول ایا صوفیه مسجدی نینگ آچیلیش پروگرامی باشلندی
erdoğan cuma mesajı.jpg
Küçük Aya Sofya.jpg

ایا صوفیه مسجدی بوگون قیلینه دیگن جمعه نمازی بیلن 86 ییل کیین تکرار عبادت اوچون آچیله دی.

دیانت ایشلر (دینی ایشلر) باشقرمه سی تامانیدن اویوشتیریلگن دوعا مراسمی باشلندی. آیت و دوعا پروگراملری دینی ایشلر باشقرمه سی باشلیغی نینگ دوعاسی بیلن اداغگه ییتیب باره دی.

ایا صوفیۀ کبیر مسجدیده ایلک جمعه نمازینی قیلماقچی بولگن وطنداشلر ایرته لب وقت کیلیب خوفسیزلیک نقطه لریده قطار بولیب توردی.

مسؤللر، ینگی تور کروناویروس (کوید-19) کسل لیگی باعث وطنداشلرنینگ قوللریگه دیزینفیکت سورتگندن کیین بیر مرته لیک ماسک و جای نماز بیریلماقده.

جمهور باشلیغی رجب طیب ایردوغان بیلن ملیتچی حرکت حزبی ییتکچیسی دولت باغچه لی نینگ هم قتنه شیشی کوتیلگن آچیلیش پروگرامی باعث منطقه گه کوپلب محلی و چیت ایللیک سیاح کیلگن.

عین دمده منطقه ده کینگ کولملی خوفغسیزلیک چاره – تدبیری آلینگن.    

جمهور باشلیغی رجب طیب ایردوغان هم جمعه نمازی اوچون ایا صوفیۀ کبیر جامع مسجدی گه کیلدی.

ایردوغانگه جمهور باشلیغی اورینباسری فواد اوکتای، تورکیه بویوک ملت مجلس باشلیغی مصطفی شن توپ، علاقه باشلیغی فخرالدین آلتون، ساغلیقنی سقلش وزیری فخرالدین کوجه و ملیتچی حرکت حزبی رهبری دولت باغچه لی هم همراهلیک قیلدی.

باشقه تاماندن ایا صوفیۀ کبیر جامع مسجدیده گی پروگرام نی کوپلب اولکه دن مطبوعات و ژورنالیستلر تعقیب ایتماقده.

مسلمان جغرافیه لردن و اروپا اولکه لریدن کیلگن میدیا منسوبلری نشرات بیرماقده.

اجتماعی ترماق تویترده #AyasofyaCamiiبیلن بیرینچی اورینده توردی.

پروگرام جمهور باشلیغی رجب طیب ایردوغان نینگ شخصی میدیا ترماغی آدرسلریدن و ایاصوفیۀ کبیر جامع مسجدی شریف آتی بیلن آچیلگن رسمی تویتردن هم تعقیب ایتیلماقده.



علاقه لی ینگی لیکلر