استانبول ایا صوفیه جامع مسجدی بوگون جمعه نمازی بیلن عبادت گه آچیلدی

آچیلیش گه جمهور باشلیغی ایردوغان هم قتنشدی و دوعا قیلیب جمعه نمازینی ادا قیلدی

1461330
استانبول ایا صوفیه جامع مسجدی بوگون جمعه نمازی بیلن عبادت گه آچیلدی
AYASOFYA.3.24.07.jpg
AYASOFYA.2.24.07.jpg
AYASOFYA.1.24.07.jpg

ایا صوفیه مسجدی بوگون قیلینه دیگن جمعه نمازی بیلن 86 ییل کیین تکرار عبادت اوچون آچیلدی.

جمهور باشلیغی رجب طیب ایردوغان هم جمعه نمازی اوچون ایا صوفیۀ کبیر جامع مسجدی گه کیلدی.

ایردوغان جمعه نمازی آلدی قرآنکریم اوقیدی.

استانبول قیسیقلی منطقه سیده گی اوییدن تورکیه وقتی بیلن ساعت 12:00 ده ایا صوفیه میدانی گه کیلگن ایردوغاننی وطنداشلر آلقیش و سیوگی شعارلری بیلن کوتیب آلدی.

ایردوغانگه جمهور باشلیغی اورینباسری فواد اوکتای، تورکیه بویوک ملت مجلس باشلیغی مصطفی شن توپ، علاقه باشلیغی فخرالدین آلتون، ساغلیقنی سقلش وزیری فخرالدین کوجه و ملیتچی حرکت حزبی رهبری دولت باغچه لی هم همراهلیک قیلدی.

جمهور باشلیغی ایردوغان دین ایشلری باشقرمه سی تامانیدن مسجدده اوقیلگن قرآنکریم تلاوتینی قولاق سالدی.

اوندن کیین ایا صوفیۀ کبیر جامع مسجدی شریفی نینگ تورته مناره سیدن تورت مؤذن عین آنده صلاة اوقیدی.

صلاة لرنینگ آرتیدن جمهور باشلیغی ایردوغان فاتحه سوره سینی و بقره سوره سی نینگ 5 آیتینی اوقیدی.

دوعالرنینگ آرتیدن جمعه نمازی دینی ایشلر باشقرمه سی باشلیغی علی ایرباش نینگ امامتی بیلن قیلیندی.  

اجتماعی ترماق تویترده #AyasofyaCamii بیلن بیرینچی اورینده توردی.

پروگرام جمهور باشلیغی رجب طیب ایردوغان نینگ شخصی میدیا ترماغی آدرسلریدن و ایاصوفیۀ کبیر جامع مسجدی شریف آتی بیلن آچیلگن رسمی تویتردن هم تعقیب ایتیلدی.



علاقه لی ینگی لیکلر