تورکیه دن چادگه ایککینچی مرته طبی یاردم ییتکیزیب بیریلدی

ینگی تور کروناویروس (کوید-19) گه قرشی کوره ش چوکاتیده افریقا اولکه سی چادگه ایککینچی مرته طبی مواد یاردم نی ییتکیزیب بیرووچی اوچاق پایتخت انقره دن اوچیب کیتدی.

جمهور باشلیغی رجب طیب ایردوغان نینگ بویروغی بیلن ساغلقینی سقلش وزیرلیگی تامانیدن تیارلنگن طبی مواد ایتیمسگوت عسکری قونلغه دن ملی مدافعه وزیرلیگی چوکاتیده گی A400M مودل کارگو اوچاققه یوکلندی.

طبی اسبابلر ایچیده بیرته امبولانس هم بار.

اوچاقده گی یاردم موادی کارتنلری نینگ اوستیگه مولانانینگ "امیدسیزلیک نینگ آرقه سیده انچه امیدلر بار. قرانغونینگ آرتیده انچه قویاش بار" دیگن سوزلریگه اورین بیریلدی.

تورکیه بوندن آلدین امریکا قوشمه ایالتلری، انگلستان، اسپانیا، ایتالیا و بالقان اولکه لری بیلن بیر قطارده کوپلب اولکه گه طبی یاردم ییتکیزیب بیرگندی.

افریقا اولکه سی چادگه 26 می ده هم طبی یاردم و امبولانس ییتکیزیب بیریلگندی.