تورکیه تامانیدن یوباریلگن طبی یاردم لرنی تاشووچی اوچاق کابل گه باریب قوندی

اوشبو یاردم لر پایتخت کابل ده رسمی مسئول لر تامانیدن کوتیب آلیندی

1434575
تورکیه تامانیدن یوباریلگن طبی یاردم لرنی تاشووچی اوچاق کابل گه باریب قوندی

تورکیه نینگ افغانستان گه طبی یاردم لری نی تاشووچی طیاره پایتخت کابل نینگ خلق ارا قونلغه سی گه باریب قوندی. 

اوشبو یاردم لر پایتخت کابل ده افغانستان و تورکیه نینگ رسمی مسئول لری تامانیدن کوتیب آلیندی. 

افغانستان ساغلیق نی سقلش وزیرلیگی نینگ سرپرستی احمد جاوید عثمانی, اوشبو یاردم لر اوچون تورکیه جمهوریتی گه منتدارچیلیک بیلدیررایکن, خوددی شوو یاردم لرنینگ عادلانه بیر شکلده ترقه تیله دیگن لیگی نی معلوم قیلدی. 

تورکیه نینگ افغانستان ایلچی سی اوغوز خان ارطغرول, اوشبو یاردم لرنینگ ینگی تور کرونا ویروس گه قرشی کوره ش دایره سیده یوباریلگن لیگی نی بیلدیررایکن, خوددی شوو یاردم لرنینگ دوام ایته دیگن لیگی نی ایسله تیب اوتدی.

اوشبو یاردم لر 10 ته مصنوعی تنفس ماشینی, 10 ته آکسیجن رگلاتوری, 10 ته نبولایزر, 3 ته پی سی آر سیستمی, 30 مینگ کووید 19 تشخیص کیتی, 25 مینگ ان 95 ماسک, 50 مینگ جراحی ماسک و باشقه مواد دن عبارت.   



علاقه لی ینگی لیکلر