اردوغان تورک تیلیده گپیره دیگن اولکه لر همکارلیک کینگشی ییغیلیشی ده معروضه قیلدی

اوشبو ییغیلیش ده ینگی تور کرنا ویروس گه قرشی کوره ش باره سیده بحث ایتیلدی

1395528
اردوغان تورک تیلیده گپیره دیگن اولکه لر همکارلیک کینگشی ییغیلیشی ده معروضه قیلدی

تورکیه جمهوریتی جمهوررئیسی رجب طیب اردوغان, تورک تیلیده گپیره دیگن اولکه لر همکارلیک کینگشی نینگ کووید 19 گه قرشی کوره ش بوییچه همکارلیک توغریسیده بولیب اوتگن ویدیوکنفرانس ییغیلیشی گه اشتراک ایتیب معروضه قیلدی.

همه نینگ کورینمه گن بیر دشمن دن عبارت بولگن کرونا ویروس گه قرشی کوره شیاتگن لیگی نی بیلدیرگن جمهوررئیس اردوغان, اوشبو ییغیلیش نینگ خوددی شوو کوره ش بوییچه همکارلیک میزانی نی آرتیره دیگن لیگی نی معلوم قیلدی. 

اردوغان, "اوشبو یمان کون  لرنی کوچلی بیر شکلده اوتکزه دیگن لیگی میز گه ایشانچیم کامل" دییه قید ایتدی. 

تورکیه نینگ ویروس نینگ ترقه له باشله گن کون دن بیری کیره کلی تدبیر لر نی آلیب کیلگن لیگی نی بیلدیرگن جمهوررئیس اردوغان, حاضرگی کون گه قدر جدی بیر معما گه دوچ کیلینمه گن لیگی نی ایسله تیب اوتدی. 

"اوز ضرورت لری میز نی تامین ایتگن لیگی میزدیک, قرداش لری میز بیلن هم همکارلیک قیلیش گه حرکت قیلماقده میز.  سیزلرنینگ طلب لرینگیز گه ینه ده کوپراق اهمیت بیره میز" دییه قید ایتگن اردوغان, کرونا ویروس نینگ بیر پاندیمی گه ایله نیب قالگن لیگی نینگ خلق ارا مقیاسده بیر اجتماعی – اقتصادی بحران گه هم سبب بولگن لیگی نی معلوم قیلدی. 

ترانسپورت, گمرک و چیگره دروازه لری کبی خلق ساغلیغی بیلن علاقه لی معما لر گه عملی ییچیم یول لری تاپیش کیره ک ایکن لیگی نی معلوم قیلگن جمهوررئیس اردوغان, اوشبو کینگش اعضاسی اولکه لرنینگ ترانسپورت و تجارت وزیر لری نینگ ویدیوکنفرانس آرقه لی بیر ییغیلیش اوتکزیش لری نی طلب ایتدی. 

"کرونا ویروس نی البته که مغلوب ایته میز" دیگن اردوغان, "کوره شی میز دوام ایترایکن, پاندیمی آرتیدن یوز بیره دیگن ینگی لیک لر اوچون هم تیارگرلیک اوتکزیشی میز کیره ک.  ساغلیق, اقتصاد و خلق نینگ روانی سنگری کوپلب ساحه لر بوییچه همکارلیک ساحه لری نی انیقلب کیره کلی قدم لرنی تشله شی میز کیره ک" دییه قید ایتدی. 



علاقه لی ینگی لیکلر