تورکیه ده هر ییل تقریباً تورت مینگ چیت ایللیک اوقووچی گه بورسیه امکانیتی

بلغاریا ده تورکیه بورسیه لری حقیده معلومات بیریلدی

تورکیه ده هر ییل تقریباً تورت مینگ چیت ایللیک اوقووچی گه بورسیه امکانیتی

تورکیه جمهوریتی نینگ چیت ایللرده گی تورک لر و قرینداش جمعیت لر اداره سی نینگ باشلیغی عبدالله اره ن, تورکیه نینگ هر ییل لیسانس, ماستری و دوکتورا سویه سیده تقریباً 4 مینگ چیت ایللیک اوقووچی گه بورسیه امکانیتی تامین ایتیب بیریاتگن لیگی نی معلوم قیلدی. 

اره ن, بلغاریا ده تورکیه بورسیه لری حقیده معلومات بیردی. 

عبدالله اره ن, اوشبو دایره ده, کونستانتین پریسلاوسکی عالی بیلیم یورتی ده بولیب اوتگن ییغیلیش آلدی دن اوشبو بیلیم یورتی نینگ رئیسی پروفیسر داکتر گیورگی کولیف بیلن اوچره شدی. 

اره ن, 208 عالی بیلیم یورتی بولگن تورکیه نینگ بورسیه لری اوچون 170 اولکه دن اوقووچی لر نینگ مراجعه قیلیاتگن لیگی نی ایسله تیب اوتدی. 

عبدالله اره ن, اوشبو عالی بیلیم لری دن 126 بیلیم یورتی نینگ خصوصی ایکن لیگی نی بیلدیردی.

تورکیه ده گی عالی تحصیل نینگ کیفیتی گه دقت قره تگن اره ن, "اینگ مهم معیاری میز اکادمیک موفقیت دن عبارت.  بورس بیررایکن, اوقووچی لرنینگ ملیتی یاکه ملتی گه ایمس, بلکه اکادمیک موفقیتی گه اهمیت بیره میز" دییه قید ایتدی. 

اره ن, چیت ایللرده گی تورک لر و قریندا ش جمعیت لر اداره سی نینگ, بلغاریا ده بیر هفته لیک بیر مدت مابینیده تورکیه بورسیه لری حقیده معلومات بیرگن لیگی نی بیلدیررایکن, اوشبو دایره ده بلغاریا دن مراجعه قیله دیگن اوقووچی سانی نینگ آرتیب کیتیشی نی کوتیاتگن لیک لری نی بیلدیردی. 

"بالکان جغرافیه سی نینگ تینچلیگی و همده تورکیه نینگ قوشنی سی بولگن اولکه لر بیلن مناسبت لرنینگ ینه ده یخشی لشتیریلیشی اوچون بورسیه لر گه کتته اهمیت بیره میز" دییه قید ایتگن اره ن, تورکیه بورسیه لری نینگ موفقیت گه قره تیلگن خلق ارا بیر بورس برنامه سی ایکن لیگی نی معلوم قیلدی. 

اره ن, اوشبو بورسیه لر دن فقط گینه بلغاریا تورک لری ایمس, بلکه بلغاریا ده گی برچه یاش لرنینگ فایده له نیشی نینگ ممکن ایکن لیگی نی بیلدیردی.   



علاقه لی ینگی لیکلر