جمهوررئیس اردوغان انگلستان گه جونب کیتدی

اردوغان ناتو رهبر لر ییغیلیشی گه اشتراک ایته دی

جمهوررئیس اردوغان انگلستان گه جونب کیتدی

تورکیه جمهوریتی جمهوررئیسی رجب طیب اردوغان, ناتو اتفاقی نینگ قوریلیشی نینگ 7- ییلی مناسبتی بیلن پایتخت لندن ده بولیب اوته دیگن ناتو رهبر لر ییغیلیشی گه اشتراک ایتیش اوچون انگلستان گه جونب کیتدی. 

اردوغان, اوشبو اولکه گه جونب کیتمسدن آلدین هوا قونلغه سیده بیرگن بیاناتیده, حاضرگی کونده  گی تهدید اولویت لری گه کوره ناتو ساختاریده بیر اوزگریش نینگ ضروری ایکن لیگی نی ایسله تیب اوتدی. 

"روسیه بیلن بولگن مناسبت لری میز, متفق لری میز بیلن علاقه لری میز نینگ بیر الترناتیفی دن عبارت ایمس" دییه قید ایتگن جمهوررئیس اردوغان, تورکیه نینگ ناتو نینگ وازکیچیلمیدیگن بیر متفقی دن عبارت ایکن لیگی نی معلوم قیلدی. 

تورکیه جمهوریتی جمهوررئیسلیک ارتباط لر ریاستی تامانیدن بیریلگن بیاناتده ایسه, دسامبر آیی نینگ 3 نچی و 5 نچی کون لری آره سیده بولیب اوته دیگن ناتو رهبر لر ییغیلیشی گه جمهوررئیس اردوغان بیلن بیرگه تشقی ایش لر وزیری مولود چاووش اوغلی, خزانه و مالیه وزیری برات آلبیرق و ملی مدافعه وزیری خلوصی آقر نینگ هم اشتراک ایته دیگن لیگی بیلدیریلدی. 

رهبر لر ییغیلیشی دایره سیده, ناتو توپراق لری گه قره تیلگن تروریزم داخل هر خیل تهدید گه قرشی بیر یقه دن باش چیقاریش موضوعی نینگ تائید ایتیلیشی ریجه لنماقده. 

عینی دمده اوشبو دایره ده, ناتو نینگ موجود خوفسیزلیک معما لری گه قرشی فعالیت لر توغریسیده قولگه کیریتیاتگن موفقیت لری گه تیگیشلی بحث ایتیلیشی و اتفاق نینگ میلادی 2020 – ییلی اوچون تیارگرلیگی باره سیده رهبر لر نینگ اوز فکر لری نی بیلدیریش لری کوتیلماقده. 

اوشبو ییغیلیش آرتیدن "لندن بیلدیروی" نینگ قبول قیلینیشی کوتیلماقده. 

جمهوررئیس اردوغان نینگ اوشبو دایره ده ایریم رهبر لر بیلن اوچره شیشی ریجه لنماقده. 

عینی دمده جمهوررئیس اردوغان, انگلستان, فرانسه و آلمان رهبر لری نینگ اشتراکی بیلن بولیب اوته دیگن بیر ییغیلیش گه هم اشتراک ایته دی. 

خوددی شوو ییغیلیش دایره سیده, سوریه و لیبیا مسئله سی سنگری منطقه مقیاسیده گی ینگی لیک لر باره سیده بحث ایتیله دی. 

جمهوررئیس اردوغان, انگلستان گه قیلگن سفری نینگ سونگگی کونیده کمبریج جامع مسجدی نینگ آچیلیشی بوییچه بولیب اوته دیگن مراسم گه اشتراک ایته دی. 



علاقه لی ینگی لیکلر