باله لری ترورچی لر تامانیدن آلیب قاچقیریلگن آنه لرنینگ تحصنی دوام ایتماقده

اوشبو آنه لر باله لری تاپیلگونه قدر خوددی شوو تحصن نینگ دوام ایته دیگن لیگی نی بیلدیرماقده

باله لری ترورچی لر تامانیدن آلیب قاچقیریلگن آنه لرنینگ تحصنی دوام ایتماقده

کوزیمیزده یاش قالمه دی

تاققه آلیب قاچیریلگن باله لری اوچون خلق لرنینگ دموکراتیک حزبی (ایچ دی پی) نینگ ولایت ریاستی بنا سی نینگ اونگیده تحصن قیلیاتگن دیاربکر آنه لری ایککی آیدن بیری اوشبو تحصنی نی دوام ایتتیرماقده.

دیاربکر

تورکیه نینگ دیاربکر ولایتیده آنه هاجره آقر, اوغلی محمد آقر نینگ تاققه آلیب قاچیریلیشی بوییچه ایچ دی پی نینگ واسطه چیلیک قیلگن لیگی نی ادعا ایتیب اوشبو حزب نینگ ولایت دفتری نینگ اونگیده 22 آگست ده تحصن باشلتگن ایدی.

اوغلی نی ترورچی لرنینگ قولیدن قیتریب آلیش اوچون باشلتگن اوشبو تحصنی نتیجه بیرگن آنه هاجره آقر, 24 آگست ده اوغلی نی تاپیش گه موفق بولگن ایدی.  آنه هاجره آقر نینگ قیلگن اوشبو ایشی خوددی شونده ی وضعیت گه دوچ کیلیب قالگن باشقه آنه لر اوچون هم بیر تورتکی بولدی. 

عایله لر سانی 55 گه کوتریلیب کیتدی

فوزیه چیتین قایا, رمزیه آق قویون و عایشه گل بیچر آقر نینگ کوره شی نی اوز لری گه الگو قیلیب 3 سپتامبر ده تحصن باشلتدی.  خوددی شوو تحصن گه قوشیلگن عایله لر سانی 55 گه کوتریلیب کیتدی. 

حزب نینگ ولایت دفتری بنا سی نینگ اونگیده اوتیرگن اوشبو آنه لر نی کوپلب کیشی باریب کورماقده.

تورکیه جمهوریتی ایچکی ایشلر وزیری سلیمان سویلو, عایله, ایش و اجتماعی خدمت لر وزیری زهرا زومروت سلجوق, شهید عایله لری, سیاستچی لر, صنعتچی لر, ژورنالست لر, یازوچی لر و نادولت تشکیلات لر نینگ نماینده لری اوشبو آنه لر نی باریب کوریب خوددی شوو حرکت لرینی قوللب- قُوَتلیاتگن لیک لری نی بیلدیردی. 

قوللری گه باله لری نینگ عکس لری نی آلیشیب اوتیرگن آنه لر, ساغینگن باله لری نی کوره دیگن کون نی کوتیب تورماقده لر. 

"حیاتی میز نی قولیمیزدن آلیب قویدی لر"

تورت ییل آلدین استانبول دن آلیب قاچیریلگن اوغلی محمد اوچون دیاربکر گه کیلیب تحصن گه اشتراک قیلگن آنه ایممی خان نیلیفیرکا, اوغلی نی تاپیش نی آرزو قیلیاتگن لیگی نی بیلدیردی. 

باله سی نینگ آلیب قاچیریلیشی بوییچه ایچ دی پی نینگ مسئول ایکن لیگی نی بیلدیرگن آنه نیلیفیرکا, "بیله من باله م نی ایچ دی پی آلیب قاچیردی. باله م  نی مینگه قیتریب بیرسین لر. اوندن هیچ خبریم یوق. تلفن هم قیلمیدی. عایله میز عملده اولگن وضعیتده. باله میز نی آلیب قاچیردی لر. حیاتی میز نی قولی میزدن آلیب قویدی لر. کوزیمی میزده یاش قالمه دی. باله م دن نیمه طلب ایتدی لر.  باله م چومالی گه هم ضرر بیرمس ایدی. مکتب ده جوده هم موفق ایدی" دییه قید ایتدی.

نیلیفیرکا, ایککی آیدن بیری تحصن نی دوام ایتتیریاتگن لیک لری نی بیلدیررایکن, ایچ دی پی نینگ بیانات بیریشی نی کوتیاتگن لیک لری نی معلوم قیلدی.

"بیز گه بیر نرسه دیسین لر.  اولرنینگ هم کُرد بولیش لری تقدیرده کیلیب بیز بیلن بیرگه اوتیریش لری کیره ک.  مین بونده ی کُردلیک ایسته میمن. مین هم کُرد من. باله م آرقه لی سیاست قیلمه سین لر.  باله م نینگ ایرکین لیگی و کیله جگی نی قولیدن آلیب قویدی لر" دییه قید ایتگن نیلیفیرکا,  قیین چیلیک لری حقیده معلومات بیردی. 

نیلیفیرکا, "تحصنی میزنی آخر گه قدر دوام ایتتیره میز" دییه قید ایتدی. 

"اولادی میزنی آلمسدن, بو ییردن کیتمیمیز"

بیش ییل آلدین 14 یاشده استانبول دن آلیب قاچیریلگن اوغلی تونجای اوچون تحصن گه اشتراک ایتگن 5 باله آنه سی فاطمه بینگول, اولادی نی تاپیش نی آرزو قیلیاتگن لیگی نی معلوم قیلرایکن, اونی جوده هم ساغینگن لیگی نی بیلدیردی. 

بینگول, 5 ییل دن بیری اوغلی نی کورمه گن لیگی نی بیلدیررایکن, "باله میز نی کیتیرسین لر.  بو آنه لر بو ییرده کوتیب تورمه سین. گناه بوله دی.  هیچ کیمسه نینگ اوشبو آنه لر نی ییغله تیش و اولرگه عذاب بیریش گه حقی یوق.  همه میز بیر یقه دن باش چیقارگن وضعیتده میز. باله لری میز نی آلمسدن بو ییردن کیتمیمیز.  کیره ک بولگن تقدیرده بیز نی اولدیرسین لر. اولیم دن هم قورقمیمیز" دییه قید ایتدی. 

"پی کا کا نینگ کُرد لر گه قیلگن اوشبو ظلمی نی کورسین لر"

میلادی 2015 – ییل 2 اکتوبر کونی عسکرلیکده اوز قطعه سی گه کیتیاتگن پیتده تورکیه نینگ تونجه ولایتی پولومور تومنی ده ترورچی لر تامانیدن آلیب قاچیریلگن اوغلی مسلم اوچون تحصن گه قوشیلگن سون گُل آلتین تاش, 4 ییلدن بیری فرزندی دن خبر آله آلمیاتگن لیگی نی بیلدیردی. 

"آلتمیش کون دن بیری بو ییرده میز.  60 ییل هم بو ییرده قالیشی میز ممکن.  باله میز کیلگونگه قدر بو ییرده میز" دییه قید ایتگن آلتین تاش باله لری تاغده بولگن آته آنه لر نی تحصن گه چقیردی. 

آلتین تاش, "کرد آنه لرنینگ ایندی اویغانیشی کیره ک.  باله لری قوللریدن چیقیب کیتماقده.  اویغانیب پی کا کا نینگ کرد لر گه قیلیاتگن ظلمی نی کورسین لر.  آته, آنه و باله گه رحم قیلمیدی لر.  ایندی بونی درک ایتسین لر.  بیز نینگ بیرته گینه دشمنی میز پی کا کا دن عبارت" دییه قید ایتدی. 

"قیزیم کیلمسدن, بو ییردن کیتمیمیز"

تورت ییل آلدین 17 یاشده بولگن پیتده تورکیه نینگ آغری ولایتیدن قیزی چیغدم نینگ تاققه آلیب قاچیریلگن لیگی اوچون اوشبو تحصن گه اشتراک ایتگن آته یاسین قایا, قیزی نی کوتیاتگن لیگی نی بیلدیردی. 

تحصن گه اشتراک قیلگن برچه آنه لر و آته لر بیلن بیرگه هوا نینگ ساووق بولیشی گه قره مسدن اولادی نی کوتیش گه دوام ایته دیگن لیگی نی بیلدیرگن قایا, "بیانات بیریلیشی نی کوتماقده میز.  قیزیم کیلمسدن, بو ییردن کیتمیمیز.  اولر کرد ایکن لیک لری نی معلوم قیلماقده. اولر کرد ایمس.  اصل کرد بیز لر میز. باله میز نی تاققه آلیب قاچیرگن ایچ دی پی بو ییر گه کیلیب, پی کا کا یوقالسین و بیز پی کا کا گه قوشیلمیمیز شکلیده شعار بیرسین چی. شونده بیز بو ییردن کیته میز. بیز اولرنی مسئول دیب بیله میز" دییه قید ایتدی. 



علاقه لی ینگی لیکلر