تورکیه نیمه اوچون اس 400 هوایی مدافعه سیستمی ساتیب آلماقده؟

اوشبو مطلب انقره ده جایلشگن ییلدیریم بایزید عالی بیلیمی یورتی نینگ استادی پروفیسر داکتر صالح ییلماز نینگ ترک تیلیده یازگن مقاله سی نینگ اوزبیک تیلیده گی ترجمه سیدن عبارت

1218534
تورکیه نیمه اوچون اس 400 هوایی مدافعه سیستمی ساتیب آلماقده؟

تورکیه جمهوریتی حکومتی اس 400 خصوصیده باسیم لر گه بوین ایگمَیدی

تورکیه جمهوریتی جمهوررئیسی رجب طیب اردوغان 2019 – ییلی 12 جون ده قیلگن معروضه سیده, "تورکیه نینگ اس 400 هوایی مدافعه سیستمی نی ساتیب آله دیگن لیگی نی ایمس, بلکه آلگن لیگی نی بیلدیرماقده میز.  اوشبو ایش نی تکمیل قیلگن میز.  اویغون نرخ بیلن اس 400 لر نی ساتیب آلگن لیگی میز دیک, اوشبو سیستم نینگ مشترک روشده تولید قیلینیشی بوییچه هم کیلیشوو امضاله دیک.  انشا الله قیسقه بیر مدت مابینیده تورکیه گه کیتیریله دی.  سوریه بحرانی نینگ اس 400 و اف 35 لر بیلن ارتباطی بار" دییه قید ایتیب تورکیه نینگ اوشبو خصوصده کوچلی اراده گه ایگه ایکن لیگی نی کورسه تیب بیردی. 

خوددی شوو کون نینگ اوزیده روسیه نینگ انقره ایلچیسی الکسی یرخوف هم روسیه نینگ اس 400 لر خصوصیده گی سیاستی نینگ اوزگریشی نینگ ممکن ایمس لیگی نی بیلدیررایکن, تورکیه بیلن روسیه تخنیکی تیم لری نینگ اوز فعالیت لری نی دوام ایتتیره دیگن لیگی نی معلوم قیلدی. 

امریکا قوشمه ایالتلری و ناتو نینگ باسیم لری گه قره مسدن تورکیه اوشبو خصوصده قاطع بیر سیاست آلیب بارماقده. جولای آییدن باشلب اس 400 لر نینگ بیرینچی قسمی نینگ تورکیه گه کیله باشلیدیگن لیگی بیلدیریلدی.  روسیه بیلن تورکیه اورته سیده گی کیلیشوو دایره سیده اس 400 لر دن فقط گینه تورکیه نینگ حاکم بولگن حدود لرده فایده له نیلیشی ممکن. اوشبو دایره ده, سونگگی پیت لرده مطرح قیلینیاتگن تورکیه نینگ مذکور سیستم نی آلیب اوچینچی اولکه گه ساتیشی نینگ ممکن ایکن لیگی توغریسیده گی میش- میش لر نینگ حقیقت ایمس لیگی کورسه تیلیب بیریلدی.  بیراق تورکیه امریکا قوشمه ایالتلری بیلن مناسبت لری نینگ یمانله شیشی تقدیرده اوشبو سیستم نی شمالی قبرس تورک جمهوریتی گه آلیب باریب جایلشتیریش حقی گه هم ایگه. 

تورکیه, اس 400 لر نی بیر مدافعه سلاحی اوله راق آلماقده

تورکیه نینگ هوایی مدافعه سیستمی بوییچه ضرورتی فقط گینه سونگگی بیر ییلده مطرح بولگن بیر نرسه دن عبارت ایمس.  آخرگی 10 ییلدن بیری تورکیه اوشبو ضرورتی نی تامین ایتیش اوچون اورنه شیب کیلماقده.  خوب, تورکیه نیمه اوچون اس 400 هوایی مدافعه سیستمی آلیش گه احتیاج حس ایتدی؟ ناتو ده گی متحدی بولگن امریکا قوشمه ایالتلری نینگ پاتریوت هوایی مدافعه سیستمی آلیش طلبی گه مثبت جواب قیترمس لیگی آرتیدن تورکیه, روسیه دن ارزانگه اس 400 آلیش گه قرار قیلدی.  حاضرگی کونده ایسه امریکا قوشمه ایالتلری اس 400 لر دن سیاسی مواد صفتیده استفاده قیلیش گه حرکت قیلماقده. 

امریکا قوشمه ایالتلری تشقی ایش لر وزیرلیگی, تورکیه نینگ روسیه دن اس 400 لرنی آلیشی تقدیرده, تورکیه گه قرشی ایریم تحریم لر تطبیق قیله دیگن لیگی نی بیلدیرماقده.  حتی امریکا مدافعه وزیرلیگی نینگ سرپرستی پاتریک شاناهان, تورکیه جمهوریتی ملی مدافعه وزیری خلوصی آقر گه یوبارگن مکتوبیده, متحدی بولگن تورکیه نی تهدید ایتدی.  امریکا نینگ اوشبو سیاستی متحدلیک و دیپلماسی گه اویغون بیر حرکت دن عبارت ایمس. 

اس 400 لر نینگ هوایی مدافعه سیستمی دن عبارت ایکن لیگی سببلی, تورکیه اوشبو سیستم نی  هر قنده ی بیر حمله پلانی اوچون آلمیدی. شوباعث, تورکیه گه حمله قیلیش پلانی گه ایگه بولمه گن اولکه لرنینگ اوشبو سیستم نینگ آلینیشی گه مخالفت قیلمس لیگی کیره ک.  امریکا قوشمه ایالتلری اس 400 لر گه مخالفت قیلرایکن, ینگی ایشلب چیقاریلگن اف 35 اوروش طیاره لری نینگ سیستم لری نی اوز قولی گه آلیشی نینگ ممکن ایکن لیگی و ناتو قاعده لری گه اویغون ایمس لیگی نی ادعا قیلماقده.  تورکیه نینگ, مشترک بیر کمیسیون نینگ قوریلیشی و امریکا نینگ اوشبو فکری نینگ توغری ایکن لیگی تقدیرده, خوددی شوو سیستم نی آلیش دن واز کیچه دیگن لیگی نی بیلدیرگن لیگی گه قره مسدن, واشنگتن رهبریتی انقره نینگ اوشبو طلبی نی قبول قیلمی اوز فکری نینگ توغری ایمس لیگی نی کورسه تیب بیرماقده. 

تورکیه تامانیدن آلینگن اس 400 لر نینگ فرقلی بیر سیستم بیلن ایشله گن لیگی و کنترول نینگ بوتونلی تورکیه نینگ قولیده بوله دیگن لیگی سببلی, روسیه نینگ اف 35 لر حقیده معلومات ایگه سی بولیش هم ممکن ایمس. 

امریکا قوشمه ایالتلری ترور تشکیلاتی بیلن ارتباط قوریب تورکیه بیلن بولگن متحدلیک سیاستی نی یوق قیلماقده.

اوتگن ییلده امریکا کانگرسی تامانیدن قبول قیلینگن, "امریکا دشمن لریگه قرشی تحریم بیلن کوره شیش قانونی" نینگ تورکیه گه قرشی تطبیق قیلینیشی تقدیرده, امریکا بیلن بیر قطارده دنیا اوچون هم ایریم اوزگریش لر بحث موضوعی بوله دی.  ناتو و اوروپا نینگ قاره دینگیز, شرقی آقدینگیز, شرقی اوروپا, بالکان لر, اورته شرق و باشقه جای لرده گی تورکیه نینگ چیتلنگن حالده قیلگن پلان لری اقتصادی جهت دن کتته قیین چیلیک لر گه دوچ کیلیب قالرایکن, اوشبو معما ییچیلیشی ممکن بولمه گن بیر وضعیت گه کیلیب قاله دی. 

امریکا, تورکیه نینگ اس 400 لر نی آلیب متحدلیک قاعده لری گه ضد حرکت قیلگن لیگی نی بیلدیرماقده.  بیراق, امریکا نینگ متحدی بولگن تورکیه گه اوزاق ییل لردن بیری پاتریوت هوایی مدافعه سی نی بیرمه گن لیگی حقیده سوز یوریتمیاتگن لیگی کورینماقده.  تورکیه 2016- ییلی 15 جولای کونیده کودتا گه تشبث قیلگن و 200 کیشی نینگ اولیمی و تقریبا 2 مینگ نفر نینگ ایسه یره له نیشی گه سبب بولگن  فتح الله چی ترور تشکیلاتی (فتو) نینگ باشلیغی و اعضا لری امریکا قوشمه ایالتلریده یشه ماقده.  امریکا خوددی شوو وضعیت گه اهمیت بیرمَیدی.  واشنگتن رهبریتی قیلگن اوشبو ایشی بیلن متحدلیک قاعده لری گه ضد حرکت قیلیاتگن وضعیتده.  عینی دمده امریکا نینگ 1980 – 2019 ییل لری آره سیده تورکیه ده 40 مینگ کیشی نینگ اولیمی و مینگلب کیشی نینگ ایسه اوی سیز بولیب قالیشی گه سبب بولگن ترور تشکیلاتی پی کا کا- پی وای دی بیلن سوریه نینگ شمالیده همکارلیک قیلیاتگن لیگی هم کورینیب تورماقده. بیراق واشنگتن رهبریتی نینگ اوشبو خصوصده بحث ایتمیاتگن لیگی کوزگه تشلنماقده. 

امریکا قوشمه ایالتلری, جهان نی تهدید قیلیب خلق ارا حقوق قاعده لری نی پایمال ایتماقده.

امریکا قوشمه ایالتلری, اوز منفعت لری مطرح بولگن تقدیرده گینه خلق ارا حقوق قاعده لری نی بحث موضوعی قیلماقده. امریکا نینگ, آلمان نینگ شمالی آقیم طبیعی گاز قووری نی مطرح قیله آلمیدیگن لیگی نی معلوم قیلیاتگن, اوروپا نینگ امریکا دن اجازت آلمسدن اردو قوره آلمیدیگن لیگی بیلدیریاتگن و دنیا تجارت تشکیلاتی قاعده لری گه ضد بیر شکلده کوپلب اولکه لرنی تحریم بیلن تهدید قیلیاتگن پیتده متحدلیک سیاستی نینگ هیچ قچاق عقلی گه کیلمیاتگن لیگی کورینماقده.

منطقه ده گی تهدید لر گه قره مسدن اوزاق بیر مدت دن بیری هوایی مدافعه سیستمی بوییچه قیینچلیک نی ییچیش گه حرکت قیلیاتگن تورکیه نینگ اوشبو مشکلی گه ناتو تامانیدن اهمیت بیریلمه گن لیگی نینگ اوزی انقره نینگ روسیه گه اس 400 هوایی مدافعه سیستمی ساتیب آلیش گه مجبور قیلیب قویگن لیگی نی ایسله تیب اوتیشی میز ممکن.

امریکا قوشمه ایالتلری نینگ اوز منفعت لری اوچون روسیه, شمالی کوریا, ایران, چین و ونزوئلا آرتیدن ایندی تورکیه گه قرشی هم بیر تامانلمه تحریم تطبیق قیلیش گه حرکت قیلیاتگن لیگی کورینماقده. ایندی اوشبو وضعیت گه قرشی اوروپا اولکه لری نینگ عکس العمل کورسه تیشی کیره ک.  اوروپا اولکه لری نینگ بونده ی بیر وضعیت گه قرشی عکس العمل کورستمس لیگی تقدیرده, خوددی شوو وضعیت نینگ اوزی اولر نینگ امنیتی گه ضرر بیره دیگن لیگی دیک, امریکا نینگ بیر تامانلمه سیاست لری کیله جکده اوروپا اولکه لری گه هم منفی تاثیر قالدیره دی. 

تورکیه, ناتو اعضاسی صفتیده اوز مسئولیت لری نی بجا کیتیرگن وضعیتده. 

امریکا قوشمه ایالتلری بیلن اوروپا نینگ, بیرینچی دن تورکیه نینگ اس 400 سیستمی آلیش گه قرار قیلگن لیگی نینگ هیچ قنده ی بیر اولکه گه قرشی تهدید تشکیل قیلمیدیگن لیگی نی درک ایتیشی کیره ک.  دنیا نینگ بحرانی منطقه لریده کوپلب معما لر موجود ایکن, مدافعه مقصدی بیلن آلینگن بیر سلاح نی تهدید صفتیده قبول قیلیش منطقی ایمس.  تورکیه اوزاق ییل لردن بیری افغانستان, کوسووا, قاره دینگیز, سوریه و بوسنیا- هرزگوینا کبی دنیا نینگ فرقلی منطقه لریده ناتو نینگ اینگ مهم متحد لریدن بیری بولیب کیلماقده.  امریکا قوشمه ایالتلری اوشبو سیاست لری بیلن تورکیه نی یالغوزلشتیره آلمیدی.  تورک خلقی البته که امریکا قوشمه ایالتلری نینگ اوشبو سیاست لری گه قرشی عکس العمل کورسه ته دی.  باشقه بیر تاماندن ایسه امریکا نینگ اوشبو سیاست لری نینگ, تورکیه نی مدافعه سیستم لری بوییچه ضرورت لری نی روسیه و چین دن تامین ایتیش گه مجبور قیلیب قویشی ممکن.  امریکا نینگ تحریم لری سببلی پیدا بوله دیگن بوشلیک نی, سیاسی, اقتصادی و حربی جهت دن باشقه اولکه لرنینگ تولدیریشی نینگ ممکن ایکن لیگی نینگ اوزی, تورکیه نینگ امریکا قوشمه ایالتلری دن بوتونلی اوزاقله شیب کیتیشی گه سبب بوله دی. 

اس 400 لر بوییچه تصمیم نینگ تورکیه جمهوریتی نینگ ایرکین قراری اوله راق بهالنتیریلیشی کیره ک.  تورکیه, هوایی مدافعه سیستم لری بوییچه اینگ اویغون یول نی تعقیب قیلیش گه حرکت قیلماقده.  امریکا قوشمه ایالتلری حکومتی نینگ پاتریوت ساتمه گن لیگی سببلی تورکیه طبیعی بیر شکلده هوایی مدافعه سیستمی نی باشقه بیر جای دن آلیش گه قرار قیلگن وضعیتده. 

امریکا نینگ "دشمن لر گه قرشی تحریم بیلن کوره شیش" قانونی دایره سیده تورکیه سیاسی و حربی تحریم تطبیق قیلیشی ممکن. اوشبو تحریم لرنینگ اقتصادی جهت دن اوزی گه خاص نتیجه لری بوله دی.  بیراق اوشبو تحریم لر اورته و اوزاق مدت ده تورکیه نینگ سیاست لریده آرزو قیلینگن اوزگریش گه سبب بولمیدی.  تورک خلقی تاریخ دوامیده مظلوم و حقلی تامان لرنینگ یانیده اورین آلگن و دموکراسی گه ایشانگن بیر ملت بولیب کیلگن.  امریکا قوشمه ایالتلری نینگ جزا لر بیلن تورک خلقی نینگ فکری نی اوزگرتریش گه حرکت قیلیشی تقدیرده, ناتوغری بیر سیاست آلیب بارگن بوله دی. 

کوچلی اولکه لرنینگ, ضعیف اولکه لرنی قورقیتیب یاکه تهدید قیلیب دنیا ده تینچ لیک نی تامین قیله آلمیدیگن لیک لری نی درک ایتیش لری تقدیرده گینه دنیا ده تینچ لیک اورنه تیله دی خلاص. 



علاقه لی ینگی لیکلر