تورکیه ده جایلشگن تاریخی سینوپ شهری حقیده قیسقه معلومات

تینگسیز طبیعی بایلیک و تاریخی اثر لر گه ایگه بولگن سینوپ سیاح لرنی کوتیب آلماقده

1206722
تورکیه ده جایلشگن تاریخی سینوپ شهری حقیده قیسقه معلومات

سینوپ, تورکیه نینگ قاره دینگیز قیرغاغیده اورین آلگن بیر ولایت دن عبارت.  ماوی بیلن یاشیل رنگ لرنینگ بیرلشگن بیر گوزه للیککه ایگه جغرافیه لردن بیری نی تشکیل ایتماقده تورکیه نینگ سینوب ولایتی. 

سینوپ, بیر تجارت مرکزی اوله راق میلاد دن آلدین 7 – عصرده قوریلگن. ایریم تحقیقاتچی لر سینوپ اسمی نینگ میتولوژی ده نهر تنگری سی اوله راق بهالنتیریلگن آسوپوس نینگ سوو پری سی قیزی دیب توشینتیریلگن Sinope کلمه سیدن آلینگن لیگی نی بیلدیرماقده. بعضی تحقیاتچی لر ایسه, سینوپ نینگ اسمی نینگ آسوری لرنینگ آی تنگری سی دن عبارت Sin کلمه سیدن آلینگن لیگی نی معلوم قیلماقده.

آرکئولوژیک قالدیق لر,  تورکیه نینگ سینوپ ولایتی و تیگره گی نینگ ایلک چاغ لردن بیری کوپ نفوس گه ایگه بولگن لیگی نی کورستماقده.  جغرافی موقعیتی و طبیعی بیر بندر دن عبارت ایکن لیگی و قاره دینگیز دن کیله دیگن شمال دن تاثیرلنمه گن لیگی انسان لرنینگ اوشبو ییرده یشش لری گه سبب بولگن.  مقدونیه قرالی اسکندر دوریده, اوشبو شهر نینگ یولدوزی پارله گن.  فرهنگ و بیلیم گه کتته اهمیت بیریلیب عالم لر و فیلسوف لر حمایت آستی گه آلینگن.  کیین چه لیک اوشبو شهر روم و بیزانس نینگ حاکمیتی گه اوتگن.  11- عصر نینگ سونگگیده ایسه تورک توپراق لری گه ایلنگن اوشبو جغرافیه. 

تینگسیز طبیعی بایلیک و تاریخی اثر لر گه ایگه بولگن سینوپ سیاح لرنی کوتیب آلماقده.  سینوپ نینگ اینگ مهم جای لریدن بیری هم تورکیه نینگ اینگ شمالی نقطه سیده اورین آلگن هامسیلوس بوغزی دن عبارت. اوتمیشده اوروش کیمه لری نینگ یَشیریلگن بیر مرکز بولگن هامسیلوس بوغزیدن حاضرگی کونده ایسه طوفانلی هوا لرده بلیقچی لر استفاده قیلماقده.  جهانده بونگه اوخشش بیر بوغیز فقط گینه ناروی ده موجود خلاص. 

آتی نی قومی نینگ رنگی دن کسب ایتگن سریق قوم و قاره قوم بوغیز لری بیلن آق بندر دینگیز توریزمی بیلن قیزیقیاتگن سیاح لر گه یخشی امکانیت لر تقدیم ایتیب بیرماقده. 

توپلم 28 شرشره دن تشکیل تاپگن ار فلک شرشره سی, طبیعت نینگ بغریده یوریش نی یخشی کورگن, وحشی حیوان لر و سوو تیگیرمانی کوریش نی آرزو قیلیاتگن کیشی لر اوچون امکانیت یره تیب بیرماقده.  سیاح لرنینگ اوشبو شرشره نینگ اینگ یوقاری قسمیده بیر تورک قهوه سی ایچیش لری هم ممکن. 

تاریخی میلاد دن آلدین 7- عصر گه قدر باریب تقیلگن سینوپ قلعه سی بیلن ییرنینگ تگیدن اوتگن تونلی بولگن بوی آباد قلعه سی سینوپ نینگ تاریخی اثر لری آره سیده اورین آلماقده. 

تورکیه نینگ اینگ شمالی نقطه سیده اورین آلگن, آپپاق ظریف برجی بیلن اینجه بورون دینگیز چراغی, 19 – عصر نینگ اورته سیدن بیری بیر تاماندن کیمه لر گه یول کورسترایکن, باشقه بیر تاماندن ایسه قاره دینگیز نینگ تینگسیز طبیعی بایلیگی نی تشکیل ایتماقده. 

تورکیه نینگ سینوپ ولایتی بوی آباد تومنیده جایلشگن بازالت قتلم لری, کوپلب توریست نینگ کیلیب کوریاتگن مرکز لردن بیری نی تشکیل قیلماقده.  تینگسیز گوزه للیککه ایگه اوشبو منطقه, طبیعت یادگارلیگی اوله راق اعلان ایتیلگن وضعیتده. 

سینوپ ده گی مهم تاریخی اثر لردن بیری سینوپ قماقخانه سیدن عبارت.  اوشبو قماقخانه یوزلب ییل آلدین قلعه اوله راق قوریلگن.  کیینگی ییل لرده اوزگرتریلیب ایریم بولیم لر قوشیمچه قیلینگن.  کینگیش دیوار لری و برج لری بولگن و بیر پیتلر قماقخانه صفتیده استفاده قیلینگن اوشبو تاریخی اثر حاضرگی کونده ایسه موزیم اوله راق سیاح لرنی کوتیب آلماقده. 

عینی دمده اوشبو شهر گه باریشینگیز تقدیرده, آق کول, اینالتی مغاره سی و آرکئولوژی موزیمی نی هم باریب کوریشینگیز نی توصیه ایتیب قاله میز. 

تنیقلی فیلسوف دیوجانس هم سینوپ ده توغیلگن.  دیوجانس نینگ جوده هم قیزیق بیر حکایه سی بار.  مقدونیه لیک اسکندر, دیوجانس دن, "میندن بیر نرسه ایستَیسن می؟" دیب سوره گنده, دیوجانس, "فقط گینه سایه قیلمه سنگ بوله دی. باشقه احسانینگ کیره ک ایمس" دییه جواب قیترگن. 

اوچ ییلدن بیری تورکیه احصائیه اداره سی تامانیدن قیلینیاتگن تحقیقات نتیجه سیده, سینوپ نینگ تورکیه نینگ اینگ موتلی شهری ایکن لیگی انیقلندی. 

خوددی شوو تاریخی شهر, سینوپ لیک لرنینگ نیمه اوچون اوز لری نی موتلی حس ایتیاتگن لیک لری نی یقین دن کوریش و اوشبو شهر نینگ طبیعی و تاریخی بای لیک لری گه شاهد بولیش نی آرزو قیلیاتگن کیشی لرنی کوتماقده. 



علاقه لی ینگی لیکلر