تورکیه ده جایلشگن تاریخی افرودیسیاس شهری حقیده قیسقه معلومات

اوشبو تاریخی شهر انادولو ده گی اینگ مهم آرکئولوژیک ساحه لردن بیری نی تشکیل قیلماقده

1195981
تورکیه ده جایلشگن تاریخی افرودیسیاس شهری حقیده قیسقه معلومات

اوز آتی نی عشق و گوزه ل لیک ملکه سی بولمیش افرودیت دن آلگن انتیک بیر شهر دن عبارت افرودیسیاس انتیک شهری. 

روم امپراطوری آوگوستوس اوشبو انتیک شهر خصوصیده, "بوتون آسیاده اوزیم اوچون فقط گینه بو شهر نی سیله دیم" دیگن.  شونده ی قیلیب اوشبو جغرافیه بیرینچی عصردن باشلب قورینیب باشلنگن. 

حاضرگی کونده انچه ساغلام قالگن ساختمان لری بیلن افرودیسیاس انتیک شهری, انادولو ده گی اینگ مهم آرکئولوژیک ساحه لردن بیری نی تشکیل قیلماقده.  اوشبو انتیک شهر تورکیه نینگ ایگه منطقه سیده, آیدین ولایتی نینگ قاره جه سوو تومنیده دینگیز دن تقریباً 600 متر بلندلیکده اورین آلماقده.  تاریخ دوامیده اوزی گه خاص طبیعی بایلیک لر گه ایگه بولیب کیلگن اوشبو انتیک شهر نینگ اینگ مهم بایلیگی ایسه یقینیده اورین آلگن مرمر معدن لری دن عبارت.

میلاد دن آلدین 5000- ییلده انسان لر اوشبو جغرافیه ده یشب باشلرایکن, میلاد دن آلدین 2 – عصرده ایسه شهر دولتی خصوصیتی نی کسب ایتگن.  روم امپراطوری آوگوستوس تامانیدن قورینه باشله شی آرتیدن مالیه معافیتی و خودمختارلیک سنگری امکانیت لر بیلن اوشبو شهر انچه رواجله نیب کیتگن.  کیین چه لیک ایسه کاریا ایالتی نینگ پایتختی بولگن.  بیراق, بیزانس دوریده سیاسی, دینی و اقتصادی قیین چیلیک لر سببلی اوز اهمیتی نی قولدن بیره باشله گن اوشبو انتیک شهر.  7- عصرده یوز بیرگن ییرقیمیرلش حادثه سی عاقبتیده انچه ویران بولگن اوشبو شهر کیین چه لیک ایسه آباد بوله آلمه گن. شونده ی قیلیب وقت نینگ اوتیشی بیلن کیچیک بیر قصبه گه ایله نیب قالگن افرودیسیاس, 12- عصر ده ایسه بوتونلی ترک ایتیلگن. 

افرودیسیاس ده گی مرمر ساختمان لر, مجسمه لر و کتیبه لرنینگ حاضرگی کونده هم موجود ایکن لیگی اوشبو جغرافیه نینگ آرکئولوژیک اهمیتی نی آرتیرماقده. 

شهر نینگ یقینیده گی مرمر معدن لری نینگ بایلیگی, خوددی شوو جغرافیه نینگ هیکل تراشلیک ساحه سی بوییچه مهم بیر مرکز گه ایله نیب قالیشی گه سبب بولگن.  اینیقسه بیرینچی و اوچینچی عصرلرده, اوشبو شهر ده گی هیکل تراشلیک مکتب لری انچه مشهور بولیب کیتگن.  شونده ی قیلیب آقدینگیز منطقه سیده تن آلینگن و کوپلب اثر لر یره تگن اونلب هیکل تراش خوددی شوو شهرده ییتیشگن. اوشبو وضعیت نینگ اوزی ایسه, "افرودیسیاس مکتبی" اسمی گه ایگه بیر هیکل تراشلیک طرزی نینگ هم پیدا بولیشی گه سبب بولگن. 

انتیک چاغ نینگ اینگ مهم معمارلیک, صنعت و دینی مرکز لریدن بیری بولگن افرودیسیاس نینگ مهم ساختمان لری دن بیری نی تشکیل ایتیاتگن افرودیت معبدی, بیرینچی مرته آسوری لر تامانیدن, عشق و گوزه للیک ملکه سی عشتار اوچون قوردیریلگن.  بیرینچی عصرده ایسه روم لیک لر تامانیدن افرودیت اوچون قیته باشدن قوردیریلگن لیگی بیلینماقده.

افرودیت معبدی, بیشینچی عصر نینگ سونگگیده, شهرده مسیحیت نینگ حاکم بولیشی بیلن بیرگه کتته بیر کلیسا گه ایلنتیریلیب سابق ده گی معبد نینگ آتی بوتونلی اوچیریلگن. 

سیباستیان معبدی, هادریان حمامی, سپورت و معارف اوچون استفاده قیلینگن بیر ساختمان و سوونینگ کنترولی اوچون قوریلگن حوض, شهر نینگ اویمه کارلیک و مجسمه لر بیلن بیزه تیلگن اینگ مهم اثر لریدن عبارت...

توپله نیش و بازار جایی صفتیده استفاده قیلینگن 8 مینگ کیشی لیک "آگوره" اسمی گه ایگه بیر مرکزده, روم امپراطوری دیوکلیتیانوس نینگ مرمر اوستی گه یازدیریب دیوارگه آستیرگن نرخ لر موجود.  اوشبو نرخ لر شهر نینگ اقتصادی وضعیتی نی کورستیاتگن اینگ مهم اثرلردن بیری نی تشکیل قیلماقده. 

افرودیسیاس ستدیومی, انتیک دنیا سی نینگ اینگ یخشی قورینگن ستدیوم لریدن بیری اوله راق بهالنتیریلماقده.  خوددی شوو ستدیوم نینگ 30 مینگ کیشی لیک بیر ستدیوم دن عبارت ایکن لیگی بیلینماقده.  انتیک تیاتر ایسه انادولو نینگ اینگ قدیمی اوچ قواتلی صحنه سی نی تشکیل قیلماقده. 

شهر نینگ, یوزلب ییل آلدین قوریلگن لیگی گه قره مسدن حاضرگی کونده یادگارلیک دروازه سی نینگ موجود ایکن لیگی, معماری سی و مرمر اویمه کارلیگی انسان لرنی بی اختیار حیرت گه سالیب قویه دی البته که. 

افرودیسیاس انتیک شهری, منطقه ده اورین آلگن مرمر معدن لری بیلن بیرگه 2017- ییلده یونسکو جهان میراثی لستی گه کیریتیلدی. 

افرودیسیاس نی کوریش اوچون تورکیه نینگ آیدین ولایتی گه بارماقچی بولسنگیز "دیدیم" منطقه سیده گی آپولون معبدی نی کورمسدن, خوددی شوو ییر نینگ اوزیده دینگیزده چومیلمسدن و ایگه منطقه سی نینگ اوزی گه خاص زیتون یاغلی طعام لری دن ییمسدن قیتیب کیلمنگ لطفاً.   



علاقه لی ینگی لیکلر