تورکیه نینگ توریستیک مرکزی بولگن تاریخی زانتوس و لیتون شهری

زانتوس و لیتون, اوتمیشی میلاد دن آلدین 3000 – ییل گه قدر باریب تقیلگن ایککی تاریخی شهردن عبارت

1169857
تورکیه نینگ توریستیک مرکزی بولگن تاریخی زانتوس و لیتون شهری

زانتوس و لیتون, اوتمیشی میلاد دن آلدین 3000 – ییل گه قدر باریب تقیلگن ایککی تاریخی شهردن عبارت...تورکیه نینگ آقدینگیز منطقه سیده, انتالیا بیلن موغلا ولایت لری چیگره لری ایچیده اورین آلگن اوشبو تاریخی شهر لر, یونسکو جهان میراثی لستیده اورین ایگلله گن وضعیتده. 

زانتوس نینگ قدیمده لیکیا نینگ اینگ کتته مرکزی و پایتختی ایکن لیگی بیلینماقده.  میلاد دن آلدین 545 – ییلده پرس لرنینگ قولی گه توشگونگه قدر مستقل بولگن اوشبو شهر, بوندن تقریباً یوز ییل کیین بوتونلی یانگن.  یانغین آرتیدن قیته قوریلگن اوشبو شهر, میلاد دن آلدین 2- عصرده لیکیا بیرلیگی نینگ پایتختی اوله راق اعلان قیلینگن. 

کیین چه لیک روم و بیزانس امپراطورلیگی نینگ کنترولی گه اوتگن زانتوس, میلادی 7- عصرده عرب لر منطقه گه کیلگونگه قدر بیزانس نینگ حاکمیتی آستیده بولگن.  شهرده هر مدنیت تامانیدن قوردیریلگن تاریخی اثر لرده لیکیا عنعنه لری, هلنیستیک و روم دوری نینگ ایز لری نی کوریش ممکن... دیوار لر بیلن اوره لگن اوشبو شهر نینگ اینگ قیزیق تاریخی اثر لری ایسه هلنیستیک دوردن قالگن تیاتر, قبر لر و لیکیا قبر لری اوستیده گی کتبیه لردن عبارت. 

زانتوس دن 4 کیلومترلیک بیر مسافه ده اورین آلگن لیتون ایسه قدیمده لیکیا نینگ دینی مرکزی بولگن.

30 ییل دن بیری دوام ایتیب کیلیاتگن حفریات نتیجه سیده تاپیلگن اثر لر, اوشبو منطقه ده انسان لرنینگ بیرینچی بولیب میلاد دن آلدین 7 – عصرده یشب باشله گن لیگی نی کورستماقده.  اوشبو تاریخی شهر نینگ مرکزیده یانمه یان قوریلگن 3 معبد موجود.  مذکور معبد لر ارتمس, آپولون و لیتو گه اتحاف قیلیب قوردیریلگن. منطقه ده لیکیا, آرامی و یونان تیللریده یازیلگن کتبیه لر, لیکیا تیلی نینگ انگلَشیلیشی بوییچه مهم رول اوینه گن.  معبد لرنینگ یانیده بیر نل و مسیحیت نینگ دستلبکی دوریدن قالگن کلیسا موجود. هلنیستیک دوردن قالگن تیاتر هم اینگ مهم تاریخی اثر لر آره سیده اورین آلماقده. 

زانتوس و لیتون, تاریخی قالدیق لر و لیکیا مدنیتی نینگ یاریتیلیب بیریلیشی جهتی دن دنیا میراثی نینگ اینگ مهم ارزش لری آره سیده اورین ایگلله ماقده. 

اوشبو تاریخی شهر گه بارماقچی بولسنگیز, تورکیه ده سوو تاش بقه  سی تکثر مرکزی بولگن پاتارا قیرغاغی, کیکووا کورفزیده باتگن سینما انتیک شهری و ساقلیکنت دره سی نی باریب کوریشینگیز و دینگیزده کیمه گه مینیب سیاحت قیلیشینگیز نی توصیه قیلیب قاله میز. 



علاقه لی ینگی لیکلر