اردوغان: ایاصوفیه موزیمی نینگ آتی ایاصوفیه مسجدی بوله دی

جمهوررئیس اردوغان اوشبو مطلب نی تلویزیونی بیر مصاحبه سی جریانیده بیلدیردی

1169995
اردوغان: ایاصوفیه موزیمی نینگ آتی ایاصوفیه مسجدی بوله دی

تورکیه جمهوریتی جمهوررئیسی رجب طیب اردوغان بیر نیچه تلویزیون چینلی آرقه لی مشترک روشده کورسه تیلگن مصاحبه سی جریانیده تورکیه نینگ استانبول شهریده اورین آلگن ایاصوفیه حقیده گپیردی. 

جمهوررئیس اردوغان اوشبو موضوع بیلن علاقه لی بیریلگن بیر سئوال گه جواب قیتررایکن, "ایاصوفیه نینگ آتی ایندی ایاصوفیه موزیمی ایمس بلکه ایاصوفیه مسجدی دن عبارت بوله دی.  سلطان احمد جامع مسجدی گه توریست لر کیله دی.  پول بیرمسدن سلطان احمد, سلیمانیه و فاتح جامع مسجد لری نی کیلیب کوره دیلر.  ایاصوفیه ده هم خوددی شونده ی بوله دی.  ایاصوفیه ایندی موزیم بولمَیدی" دییه قید ایتدی. 

تورکیه جمهوریتی جمهوررئیسی و عدالت و توسعه حزبی نینگ رهبری رجب طیب اردوغان عینی دمده نیوزیلند ده اویوشتیریلگن تروریستیک هجوم بیلن علاقه لی هم ایریم بیانات لر بیردی. 

15- مارچ کونی نیوزیلند نینگ کرایست چرچ شهریده جمعه نمازی وقتیده ایککی مسجد گه قره ته اویوشتیریلگن ترورچیلیک هجومی عاقبتیده 51 کیشی جان بیرگن ایدی. 

نیوزیلند رهبریتی نینگ وعده قیلگن لیگی دیک اوشبو هجوم نینگ حامی لری نینگ کیم لردن عبارت ایکن لیکلری نی انیقلب بیره دیگن لیگی گه ایشانگن لیگی نی بیلدیرگن جمهوررئیس اردوغان, "حرمتلی باش وزیر جسیندا آردرن نینگ بیانات لری مختاوگه سزاوار.  اوشبو حادثه نینگ دردی نی حس ایتگن وضعیتده" دییه قید ایتدی. 

اردوغان, نیوزیلند خلقی نینگ هم مسلمان لرنینگ دردی نی درک قیلیب انسان بولمه گن کیشی لر گه انسانلیک درسی بیرگن لیگی نی معلوم قیلدی. 



علاقه لی ینگی لیکلر