زلمی خلیلزاد بیلن پوتین نینگ افغانستان خاص نماینده سی ضمیر کابلوف انقره ده اوچره شدی

روسیه نینگ انقره بویوک ایلچی لیگیده اوچره شدیلر

زلمی خلیلزاد بیلن پوتین نینگ افغانستان خاص نماینده سی ضمیر کابلوف انقره ده اوچره شدی

امریکا قوشمه ایالتلری نینگ افغانستان خاص نماینده سی زلمی خلیلزاد و روسیه دولت باشلیغی ولادیمیر پوتین نینگ افغانستان خاص نماینده سی ضمیر کابلوف تورکیه نینگ پایتختی انقره ده اوچره شدیلر.

اوشبو اوچره شوو روسیه نینگ انقره بویوک ایلچی لیگیده بولیب اوتدی. اولتیریشده روسیه نینگ انقره بویوک ایلچیسی الکسی ییرخوف قاله ویرسه ایککی مملکتدن بیر قطار مسؤللر اورین آلدی. مطبوعات گه یاپیق روشده بولیب اوتگن ملاقات 1 ساعت 15 دقیقه دوام ایتدی.

کابلوف، 12 فبروری کونی روسیه نینگ پایتختی مسکوده بیرگن بیانات بیلن روسیه و أفغانستان نینگ خاص نماینده لری نینگ 22 فبروری کونی انقره ده اوچره شه جگینی خبر بیرگن ایدی.

افغانستان دولت باشلیغی اشرف غنی نینگ باشقروویده گی حکومت اوچون کتته خطردن عبارت طالبان گروهی حلی هم مملکت نینگ انجه منطقه سی نینگ کنترولینی اوز قولیگه آلیب تورگن.

حکومت طالبان گروهی بیلن تینچ لیک اوچره شوولریگه باشلش اوچون انچه فعالیت قیلیب تینچ لیک کینگشی ایجاد ایتگن حالده حلی گچه هیچ بیر نتیجه قولگه کیریتیلمه گن.

سابق جمهوررئیس حامد کرزی نینگ حکومتیده هم افغانستان رهبریتی طالبان بیلن مذاکره قیلیش گه حرکت قیلدی. اوشبو مذاکره لرنینگ 2013 – ییل جون آییده دوحه ده بولیب اوتیشی ریجه لنگن ایدی.  بیراق طالبان نینگ دوحه ده گی دفتری نینگ لوحه سی گه "افغانستان اسلام امیرلیگی" شکلیده یازدیریشی و اوزیچه بیراغینی آسیشی نینگ آرتیدن افغانستان حکومتی مذاکره دن واز کیچگن ایدی. 

شونده ی قیلیب طالبان نینگ دوحه ده گی دفتری یاپیلرایکن, تینچ لیک مذاکره لری هم توختب قالگن ایدی.



علاقه لی ینگی لیکلر