چین اوروش گه قچان اره لشه دی؟

تحلیل و تیکشیروو

1961465
چین اوروش گه قچان اره لشه دی؟

چین اوروش گه قچان اره لشه دی؟

هوا شرطلری نینگ توزه لیشی بیلن روسیه – اوکراین اورته سیده گی توقنه شوولر هم کوپه ییب بارماقده. اینیقسه بخموت شهری گه قره ته واگنرنینگ باشچیلیگیده گی روس هجوملری کوپه ییب بارماقده. شونده ی بولیب غرب اولکه لری نینگ اوکراین گه حربی و اقتصادی یاردملری هم کونسایین آرتیب بارماقده. برچه غرب بلوکی امریکا قوشمه ایالتلری نینگ باشچیلیگیده روسیه گه قرشی جبهه آلگن وضعیتده. شونده ی بولیب چین نینگ قرارسیز یانداشووی دوام ایته دی می؟ یاکی روسیه گه حربی یاردم بیره دی می انیق ایمس.

تشقی سیاست بوییچه تیکشیرووچی و یازووچی جان اجون نینگ موضوع بوییچه تحلیل یازووینی تقدیم ایته میز.

 

روسیه نینگ اوکراین نی اشغال ایتیب آلیش تشبثیدن بیر ییل تولدی. ساحه ده حربی توقنه شوولر قاله ویرسه اقتصادی و سیاسی اره لشوولر هم دوام ایتماقده. اینیقسه امریکا قوشمه ایالتلری باشچیلیگیده دولتلر روسیه نی ضعیفلتیش وضعیتی گه ایلنگن جریان نی دوام ایتتیریش گه قرارلی کوریله دی. حربی جهتدن رواجلنگن تکنالوجیک آغیر قوراللرنینگ اوکراین گه سوقیاتی دوام ایتماقده. بو اولکه گه اروپا بیرلیگی اولکه لری هم چیتسیز اقتصادی یاردم بیریش گه دوام ایتماقده. شونده ی بولیب روسیه گه قره ته جدی اقتصادی چیکلاو کیریتیلگن وضعیتده. عموماً قره گنده امریکا قوشمه ایالتلری روسیه گه تیز چوکتیرگونچگه قدر تینمه ی دوام ایته دی شکللی.

 

روسیه ایسه ایران، کوبا، کوریا کبی کیچیک اولکه لردن یاردم آله یاتگن بولسه ده اصل متفقی بولمیش چین دن حلی گچه خواهله گن همکارلیک کیلمه گن. چین روسیه نینگ اشغال تشبثینی اشغال ایتیب تن آلمه یدی و روسیه گه قرشی کیریتیلگن چیکلاولرگه هم مخالف. عین دمده چین اقتصادی جهتدن هم جدی واردات قیلیب روسیه نی قوللب – قوتله ماقده. ینه حساس تکنالوجی ترانسفرلری بیلن روسیه نینگ غرب اولکه لری نینگ چیکلاولریدن کمراق زیان کوریشینی تامین ایتماقده. بیراق حلی گچه حربی یاردم بیرگن یوق.

 

چین اروش نینگ باشیده روسیه نینگ اوزی بیلن مصلحتلشمه ی اشغال تشبثی گه قول اوروشینی اولیملی کوتیب المه گن. بونینگ اوزی اوچون هم غرب عالمی بیلن ایرته گی بیر مداخله گه سبب بولیشینی توشونگندی. شونده ی بولیب روسیه نینگ بیر آز ضعیفلشیشی و کوپراق اوز قناتلری آستی گه کیریشینی هم بیر ستراتیژی یوتوق ایتیب کورگن لیگی احتمالی بار. بیراق شو مرحله ده روسیه نینگ تاباره ایزیلیشی و حربی اوله راق اوکراین ده بویوک بیر مغلوبیت گه اوچره تیلیشی گه هم کوز یوموشینی کوتمه یمن. بو ستراتیژی جهتیدن چین اوچون کتته ضرر ایتیب کوریله دی. چین روسیه نینگ اورته دن کوتریلیشی نینگ آرتیدن نوبت نینگ اوزیگه کیله جگینی بیله دی و شونگه قره ب حرکت ایتیش گه مجبور. شو وقت هم امریکا قوشمه ایالتلری AUKUS لر بنا قیلیب جیوپولیتیک جهتدن چین نی اوگیریب آله دیگن آدیملر آتیش گه دوام ایتماقده. بناً غرب و امریکا قوشمه ایالتلری ایجاد ایتگن اتفاق ترماقلریگه قرشی چین نینگ اینگ مهم متفقی روسیه بوله دی.

 

چین کیلگوسی آیلرده بیر ترجیح قیلیش گه مجبور بولیب قاله دی. یا روسیه نی حربی اوله راق قوللب – قوتلب اوکراین جبهه سیده کوچه یتیره دی ویا اینگ مهم متفقینی ساحه ده ایزیلیب اویین صحنه سیدن تشقریگه قالیب کیتیشی گه کوز یوموب اوزی نینگ نوبتینی کوتیب توره دی.  

 

تشقی سیاست بوییچه تیکشیرووچی و یازووچی جان اجون نینگ موضوع بوییچه تحلیل یازووینی تقدیم ایتدیک.    



علاقه لی ینگی لیکلر