روسیه – اوکراین اوروشی نینگ بیرینچی ییل لیگی

روسیه – اوکراین اوروشی نینگ بیرینچی ییل لیگی

بیلتور میلادی 2022 ییلی 24 فبروریده روس اردوسی اوکراین گه اشغال اوروشی گه باشلرکن روس دولت باشلیغی پوتین آسان غلبه قولگه کیریتماقچی ایدی. بیر یلدیرم عملیاتی بیلن زلنسکی اقتدارینی تونتریب اوزیگه یقین بیر اقتدارنی یوزه گه کیلتیریب اوکراین نی اوز کنترولی آستی گه آلماقچی ایدی. بیراق وقت اوتگچ پوتین قیلگن ریجه ده خطار بارلیگی و روسیه نی ستراتیژیک بیر خودکشلیک سری آلیب بارگن لیگی کوریلدی. روسیه – اوکراین اورشی نتیجه لریگه قره گنده تاریخ نینگ مهم بیر صحیفه سی وضعیتی گه ایلنگن وضعیتده...

تشقی سیاست بوییچه تیکشیرووچی و یازووچی جان اجون نینگ موضوع بوییچه تحلیل یازووینی تقدیم ایته میز.

میلادی 2022 ییلی 24 فبروریده پوتین کتته بیر حمله بیلن اوکراینده زلنسکی نینگ اقتدارینی تونتریش نی و اوزیگه یقین روسیه نینگ نفوذی آستیده بیر اوکراین یراتیش نی اویله دی. روس خاص کوچلری بیر یلدیریم عملیاتی آرقه لی کیف نی کنترول آستیگه آلرکن اوکراین اردوسی یوقه لب کیته جک ایدی. بیراق وقت اوتگچ پوتین قیلگن ریجه سیده خطا بارلیگی کوریلدی. یلدیریم عملیاتی ناموفق بولدی و بیر خاص کوچ عملیات ایتیب باشله تیلگن عملیات عنعنوی بیر اشغال تشبثی گه ایلندی. بیراق روس اردوسی بو اشغال گه ییترلی درجه ده تیارگرلیک کورمه گندی و کیف، چرنیخیف و سومی کبی شمال شهرلرده مغلوبیت گه اوچره ب کیینگه قیتیش گه مجبور بولیب قالدی. آرتیدن خارکیف و قیریم نینگ شمالیده جایلشگن خرسون نینگ مرکزینی هم قولدن بیردی. اونینگ آرتیدن دینیپرنینگ جنوب و شرق منطقه لریده بیر خط ایجاد ایتیب مدافعه وضعیتی گه اوتدی. روس اردوسی نینگ حربی کوچی تنقید بولرکن اوکراین ایسه کوتیلمه گن بیر مقاومت کورستدی. غرب اولکه لری نینگ چیتسیز یاردمی هم البته کی مهم حصه قوشگن بولدی. روسلر اوروش ستراتیژیسی گه اوزگریش کیلتیریب اوکراین آست قوریشینی آماج قرار بیریش گه باشله دی. آرتیدن بیر سفربرلیک بیلن ساحه ده گی انسان منبعینی کوپه یتیریب مدافعه صنایعینی کوچه یتیرب اقتصادینی آدیم آدیم اوروش اقتصادیگه ایلنتیریش گه مجبور بولیب قالدی. اروش باشله گندن بوگونگه بیر ییل تولدی. حربی جهتدن تامانلر بهار اوروشی اوچون تیارگرلیک کورماقده. سیاسی ییچیم بیلن تیگیشلی ایسه اولیملی بیر تصویر یوق.

تورکیه بو اوروشده تینگسیز بولیب 3- یول اورنینی قوریقلر ایکن احتمالی بیر آتشکیسین اوچون اورونماقده. بیراق اینیقسه امریکا قوشمه ایالتلری بیلن انگلستان اوز اورنینی قوریقلب تورگن لیگی بوندن بویان کوچسیزلشتیریش اوروشی گه ایلنگن جریاننی دوام ایتتیریب روسیه نینگ تاباره کوچسیزلشیب باریشی نیتیده لر. حلی گچه بو اوروش نینگ گلوبال مقیاسیده جدی تاثیرلری بولدی. گلوبال آذیق – اوقات خوفسیزلیگیدن، انرژی جیوپولیتیکی گچه انچه ساحه ده مهم تاثیر قالدیریشینی ایتیش ممکن. تورکیه تشبثلری بیلن گلوبال مقیاسیده گی تاثیرلرینی کوچه یتریش گه اوروناتگن بولسه ده اوروش اوزه ییب بارگن سری سلبی تاثیرلری هم دوام ایته دی. ینه اوروش نینگ اوزه ییب باریشی چین کبی اکتورلرنینگ روس نی قوللب – قوتلش اوچون مداخله گه قول اوروش احتمالی تقدیرده شونده ی بولیب هسته ای بیر توقنه شوو احتمالینی کوزگه توتیش کیره ک.

برچه بو ریسکلرگه بناً تامانلر و حمایه گرلری شو وقت بیر آتشکیسین گه تیار کوریلمه یدی. بهار آیلری گه تیارگرلیک کورگن لیکلری کوریله دی. ایککی تامان نینگ هم قتّیق قیش آیلریده کوچلی هجوم گه تیارگرلیک آلیب بارگن لیگینی کوردیک. اوکراین اردوسی غرب اولکه لردن سافستیک قورال سیستملری تامین ایتیش گه دوام ایتدی. اینیقسه مدافعه سیستملری، هیمارس توپ سیستملری، آغیر رزه تانکلر اهمیت گه سزاوار. روسلر ایسه دینیپر اوستیدن حاکمیت برقرار قیلگندن کیین بیر سفربرلیک بیلن حربی سانینی کوپه یتیریب تعلیم بیررکن واگنر کبی قوشیمچه کوچلری نینگ سانینی هم جبهه ده کوپه یتیردی. ینه روس مدافعه صنایعی نینگ تولیدینی جدی شکلده کوپه یتیرگنینی کوردیک. شونده ی بولیب ایککی تامان هم ینگی بویوک توقنه شوولرگه تیارگرلیک کورگن و موسومی شرایط نی کوتیب تورگن وضعیتده...   

تشقی سیاست بوییچه تیکشیرووچی و یازووچی جان اجون نینگ موضوع بوییچه تحلیل یازووینی تقدیم ایتدیک.