ایردوغان گه حبوبات کیلیشووی طفیلی نوبل تینچلیک مکافاتی بیریلیشی کیره ک

تحلیل و تیکشیروو

1864357
ایردوغان گه حبوبات کیلیشووی طفیلی نوبل تینچلیک مکافاتی بیریلیشی کیره ک

ایردوغان نینگ حبوبات کیلیشووی طفیلی نوبل تینچلیک مکافاتینی قولگه کیریتیشی کیره ک

جمهور باشلیغی ایردوغان نینگ کوچلی اورونیشلری و هم اوکراین همده روسیه نینگ یانیده گی اعتباری بیلن "حبوبات کوریدوری کیلیشووی" 22 جولای جمعه کونی تورکیه، روسیه، اوکراین و بیرلشگن ملتلر تشکیلاتی اورته سیده استانبولده قول قوییلدی. تورکیه نینگ میزبانلیگیده قول قوییلگن حبوبات کوریدوری کیلیشووی طفیلی گلوبال آذیق – اوقات بوییچه مهم بیر آدیم آتیلگن بولدی.

 

تشقی سیاست تیکشیرووچیسی جان اجون نینگ موضوع بوییچه فکر و ملاحظه لرینی اعتبارینگیزگه حواله ایته میز

روسیه تامانیدن 2022 ییلی 24 فبروریده اوکراین گه قره ته باشله تیلگن اشغال تشبثی نینگ آرتیدن اوکراین نینگ قاره دینگیز بندرلریده بولگن انچه یوک کیمه سی حرکت قیله آلمه گندی. روسیه اودیسا شهری قاله ویرسه اوکراین بندرلرینی محاصره قیلیب آلرکن گلوبال آذیق – اوقات خوفسیزلیگی هم کتته تهدیدگه دوچ قالدی. اوکراین بندرلریده توخته لیب قالگن میلیونلب تن حبوبات گه صادرات یولی یاپیلیب قالدی. بو وضعیت هم محصوللرنی قولگه کیریتیش نی قیین قیلرکن همده آذیق – اوقات نرخلری نینگ آرتیب کیتیشینی اینیقسه قشّاق اولکه لرنینگ آذیق – اوقات خوفسیزلیگینی توغریدن توغری تهدید ایتیش وضعیتی گه کیلدی.

 

شونده ی بولیب تورکیه جمهور باشلیغی ایردوغان اوزاق مدتدن بیری کوچلی دیپلوماسی اورونیشلری آلیب باریب تورکیه حمایه سیده اوکراین و روسیه نی اوچره شتیریب بیر حبوبات کوریدوری ایجاد ایتیلیشی اوچون کوره شدی.

 

اوکراین بندرلریده توخته لیب قالگن حبوباتلرنینگ چیقریلیشی و اوکراین بندرلریدن آذیق – اوقات محصوللری نینگ خوفسیز سوقیات تشبثی حجتینی اوز ایچی گه آلگن کیلیشووگه جمهور باشلیغی رجب طیب ایردوغان و بیرلشگن ملتلر باش کاتبی انتونیئو گوترش قتنشگن مراسمده 22 جولایده استانبولده قول قوییلدی. خوددی شو کیلیشوو بیلن آیلردن بیری یاپیب قوییلگن اودیسا بندریدن ایلک کیمه یولگه قوییلر ایکن استانبولده مشترک علاقه مرکزی و تیگیشلی تورک ییتکچیلرنینگ تیکشیروو و کوزه توویده حبوبات سوقیاتی دوام ایته دی.

 

اوروشدن آلدین اوکرایندن ییللیک 50 میلیون تن اطرافیده حبوبات، ارپه، آفتاب پرست تخمی، جواری و ایریم آذیق – اوقات محصوللری نینگ صادراتی بولرکن تیگیشلی کیلیشوونینگ عملی بولیشی بیلن کمیده 30 میلیون تن محصول نینگ ییل نینگ سونگگی گچه انتقال بیریش ممکن بوله دی. خوددی شو کیلیشوو بیلن گلوبال آذیق – اوقات نرخلری توشیش گه باشله دی. شونده ی بولیب یوز میلیونلب انسان آذیق – اوقات نی خوفسیز و ارزان بیر شکلده قولگه کیریته دی.

 

بو کیلیشوو تورکیه و جمهور باشلیغی ایردوغان آتیدن بویوک بیر دیپلوماتیک و سیاسی یوتوق بولرکن انسانلیک اوچون هم کتته یوتوق اوله راق کوریلماقده. جمهور باشلیغی ایردوغان نینگ بو اورنیشی طفیلی نوبل تینچلیک مکافاتینی قولگه کیریتیشی کیره ک.

 

تشقی سیاست تیکشیرووچیسی جان اجون نینگ موضوع بوییچه فکر و ملاحظه لرینی اعتبارینگیزگه حواله ایتدیک.

 



علاقه لی ینگی لیکلر