روسیه – اوکراین اروشی نینگ سوریه ده گی تاثیرلری

روسیه – اوکراین اروشی نینگ سوریه ده گی تاثیرلری

روسیه نینگ اوکراین نی اشغال ایتیب باشله شیدن کیین اورکراین نینگ کوتیلگندن فرقلی مقاومت کورستیشی و شونده ی بولیب روسیه اردوسی بیرگن آغیر تلفات روسیه نینگ حربی ظرفیتی نی سوال گه تشله گن دیر. شونده ی بولیب روسیه نینگ اشغالی گه قرشی غرب عالمی نینگ چیکلاولری تاباره آغیرلشیب باریشی روسیه نی جده آغیر وضعیت گه تشله گن دیر. غرب نینگ روسیه گه قره ته چیکلاورلری عکسینچه اوکراین گه بیرگن حربی یاردملریدن تشقری نیمه قیلیشی توغریسیده باش قاتیریلماقده دیر.

خوفسیزلیک بوییچه تیکشیرووچی یازووچی پروفیسور دوکتور مراد یشیلتاش نینگ بو موضوع بوییچه فکر و ملاحظه‌لرینی اعتبارینگیزگه حواله‌ قیله‌میز .

امریکا قوشمه ایالتلری قاله ویرسه غرب اولکه لری نینگ وضعیت نی روسیه بیلن معلوم بیر سویه گه توتیش گه اورونگن لیگی کوریلسه هم روسیه گه قرشی کوره ش نینگ ایریم ساحه لرگه ییره شی هم بهالندیریلماقده دیر. بو ساحه لردن بیرته سی نینگ ایسه سوریه بولیشی تخمین ایتیلماقده دیر. سوریه مخالفتی روسیه – اوکراین اوروشینی روسیه نی تنقید ایتیش و سوریه ده غرب دولتلرینی حرکت قیلیش گه مجبور قیلیش اوچون استعمال قیلگن حالده غرب دولتلری نینگ حلی گچه سوریه اوچون انیق بیر یانداشووی یوق. شونده ی بولیب روسیه – اوکراین اوروشی نینگ سوریه ساحه سیده گی تاثیرینی تیکیریش معقول بوله دی.

اوروش نینگ حربی تاثیرلریگه قره گنده روس اردوسی نینگ اوکراین گه قرشی جدی بیر تلفات گه دوچ قالگن لیگی کوریله دی. اوکراین نینگ ادعالریگه کوره 18 مینگ اطرافیده روس حربیسی هم تاثیرسیز وضعیت گه کیلتیریلگن. روس میدیاسیده اورین آلگن بیراق توناون کونی کوتریب تشلنگن بیر خبرده ایسه 9 مینگ 861 ته روس حربیسی نینگ ائولگن لیگی، 16 مینگ 153 ته روس حربیسی نینگ ایسه یره لنگن لیگی بیلدیریلگندی. بو رقملر امریکا قوشمه ایالتلری نینگ اوزاق ییللر دوام ایتگن عراق و افغانستان اشغاللرینی کوزگه توتگنده انچه کوپ دیر. روسیه نینگ هوا واسطه لری قاله ویرسه ییر واسطه لری کبی مینگلب حربی تجهیزاتلرینی هم قولدن بیرگن لیگی کوریله دی. شونده ی بولیب روس مدافعه صنایعی صادرات جهتیدن تاثیرلنه دی. سوریه ده بشارالاسد تیزیمی گه قره ته حربی یاردملر هم کمه یشی ممکن.

شونده ی بولیب ت ب-2 بیراقدار، انسانسیز هوا واسطه لری قاله ویرسه تورک مدافعه صنایعی محصوللری نینگ حرب ساحه لریده گی اوستون یوتوقلری تورکیه نی سوریه ساحه سیده کوچه یتیرماقده دیر. شونده ی بولیب 2020 ییلیده گی بهار قلقانی عملیاتی جریانیده تورکیه تامانیدن سوریه تیزیمی گه قالدیرگن تخریبات ازّانچه ویران قیلگندی. شو نقطه نظردن تورکیه نینگ ت ب-2 بیراقدارلری قاله ویرسه ت ب-3 آقینجی A-B و هوا مدافعه تیزیمی اوله راق حصار A+ بیر بیرقطارده حصار 0+ لرنینگ یقین بیر باسقیچده تجهیزاتلرنینگ مهم بیر پارچه سی بولیشی تورکیه نی حربلرگه بیرینچی قطارگه توتیشی ممکن.

روسیه نینگ سوریه ده گی واگنر عنصرلرینی اوکراین گه انتقال بیرگن لیگی بیلن تیگیشلی بیاناتلر قبول قیلینگن بولسه هم بشارالاسد طرفداری جنگریلرنینگ روسیه تامانیدن اوکراین اوروشی گه کیریتیلیشی فقط روسیه اوچون ایمس، بشارالاسد اوچون هم نتیجه لری بولیشی ممکن. غرب عالمی بشارالاسد تیزیمی گه قرشی حربی کوره ش نی بیر تامانگه قویگنده بشارالاسد تیزی نینگ غرب عالمینی تهدید ایته دیگن بیر نقطه گه کیلیشی وضعیت نی عکسی تامان ایلنتیریشی ممکن.

نتیجه ده اوکراین اوروشی نینگ سوریه گه تاثیرلری نینگ اسایده روحی اوستونلیک نینگ تورکیه گه اوتگن لیگینی ایتیش ممکن. شونده ی بولیب حربی تکنالوجیده ایسه تورکیه نینگ رواجلنگن لیگی و جغرافی امکانیتی نینگ منفعتی بولگن لیگینی افاده ایتیش ممکن. بولرنی بیر جایده ماسلشتیرگنده تورکیه نینگ روسیه گه قرشی چانه قیلیش کوچی نینگ کوپه یگن لیگینی ایتیش ممکن.  

خوفسیزلیک بوییچه تیکشیرووچی یازووچی پروفیسور دوکتور مراد یشیلتاش نینگ اوشبو موضوعگه دایر فکر و ملاحظه‌لرینی اعتبارینگیزگه حواله ایتدیک.