تونس ده سیاسی بحران یوز بیرماقده

تحلیل و تیکشیروو

1682999
تونس ده سیاسی بحران یوز بیرماقده

تونس ده سیاسی بحران یوز بیرماقده

عرب بهاریدن قالگن بیرته دموکراسی اولکه سی بولمیش تونس ده چقور بیر بحران یوز بیرماقده. جمهور باشلیغی سعید یکشنبه کونی کیچه مجلس نینگ صلاحیتینی بیر آیگچه توخته تیب قویگن لیگینی ملت وکیل لرنینگ دخلسیزلیک (مصونیت) نی توخته تیب قویگن لیگینی، موجود باش وزیر المشیشی نی وظیفه دن چیتلندیرگن لیگینی و اوز تامانیدن باش وزیر ایتیب تعیین قیله دیگن کیشی بیلن اجرائیه نی قولگه آله جگینی بیلدیردی.

2011 ییلده گی انقلابدن کیین اولکه ده یوز بیرگن اینگ جدی بحران نشانه سی کوریلگندی. کروناویروس کسل لیگی، عاموی اداره لرنینگ یمانلشیب باریشی، ایشسیزلیک و فساد ادعالری باعث جنوری آییدن بیری تونس شهرلریده ناراضی چیلیکلر بار ایدی. ینه جنوری آییده جمهور باشلیغی سعید و باش وزیر المشیشی نینگ اورته سیده بیر کیلیشماوسیزلیکلر یوز بیرماقده ایدی. سعید ایچکی ایشلر وزیری بیلن بیر قطارده 11 ته وزیرنینگ تعین ایتیلیشینی تصدیق قیلمه دی. 

خوفسیزلیک بوییچه تیکشیرووچی مراد یشیل تاش نینگ فکر و ملاحظه‌لرینی اعتبارینگیزگه حواله‌ قیله‌میز .

2019- ییلی ایککینچی تورده جمهور باشلیغی ایتیب سیلنگن سعید بیر حقوق پروفیسوری دیر. سیاست گه تشقریدن کیلیب کیرگن بیر کیشی بولیب سیاسی حزبلرگه مخالفت لیگی بیلن مشهور. تمثیلی دموکراسینی تنقید ایتگن و توغریدن توغری دموکراسی فکریدن مدافعه قیلگن سعید پوپولیست خاصیتلری بار. 2011 انقلابیدن بوگونگچه پارلمنتر تیزیم نینگ معمالرگه ییچیم تاپیش گه قینلگن لیگیدن شکایت قیلیب تورگن گروپلر بیلن تماس برقرار قیلیب بارماقده.

مجلسده گی اینگ کتته حزب بولمیش النهدانینگ دفترلریگه هجوملر اویوشتیریلگندی. حلی ایسه جمهور باشلیغی سعید قانون توزیش نی توخته تیب قویدی برچه اجرائیه و قضانینگ صلاحیتینی قولگه آلدی. اردونینگ همکارلیگی بیلن بو تونتروونی عملگه آشیرگن سعیدنینگ تونس نینگ سیاسی – اقتصادی معمالریگه ییچیم تاپیشی قیین کوریله دی. جمهور باشلیغی سعید احتمالاً مصرده گی 2013 السیسی تونتروویدن الهام آلیب کورفز اولکه لریدن پول کیلیشینی کوتماقده. بیرلشگن عرب امیرلیکلری نینگ بیر مدتدن بیری تونسده حرکت گه اوتگن لیگی کوریلماقده. شونده ی بولیب کورفزنینگ ینگی بیر ستاتوتیک حمله سی بیلن دوچ قالیشی ممکن.

مجلس باشلیغی و النهدا رهبری غنوشی، سعیدنینگ قرارینی "انقلاب و اساسی قانون گه قرشی تونتروو تشبثی" دیب بهالندیردی و تونس خلقینی تونترووگه ناراضیلیک بیلدریش گه چقیردی. تونس نینگ آغیر اون ییل لیک دموکراسیسی جدی بیر سیناو جریانی گه کیرگن.

جمهور باشلیغی سعیدنینگ سیاست گه قره ته تونترووی نه فقط عرب عالمی نینگ یگانه دموکراسیسی دیب اتلگن تونس نینگ سیاسی بحرانی گه اشاره قیلمه یدی. عین دمده عرب عالمی نینگ هم اسلامچیلرنینگ دموکراسی بیلن تینگ بولیش تجربه سی نینگ اینگ موفق نمونه سینی اداغگه ییتکزیش خطری بار. لیبیانینگ تونترووچی جنرال حفتر، تونسده گی 25 جولای تونترووینی مسلمان قرداشلر مسئله سیگه تیانتیریش گه اوروندی.

سونگگی اون ییل ایچیده النهدا و غنوشی تینگ بیر سیاست آلیب بارگندی. بعضی بیر پیتده جمهور باشلیغی کاندیدی چیقمه دی، بعضی بیر پیتده چپگرا و لیبرال حزبلر بیلن ائتلاف قوریلدی. حتی 2016 ییلی "تونس ده سیاسی اسلامی توشونچه گه اورین بولمه گن لیگینی" و اوزلرینی "مسلمان دموکرات" دیب اته گن لیکلرینی بیان ایتدی.

اللنهدا حرکتی نینگ 10- کنگره سیده "دعوت" بیلن "سیاست" یعنی دینی گروهلش بیلن حزب نینگ اجره لیش قرارینی بیلدیردی. بو سونگگی بحران تونس دموکراسیسی قاله ویرسه النهدا و غنوشی نینگ اوچون قتّیق سیناو دیر. انقره ایسه تونسده "قانونی تیزیم گه قرشی قول اوریلگن تونترووگه" قرشی بولیب دموکراسی نینگ تیزده قیته دین تیکلنیشینی خواهله دی. غرب پایتختلری ایسه سیس سیز. ینه بیر مرته قدریتلرگه (دموکراسی) ایمس، عملاً منفعتلریگه قرعه ش نی ترجیح ایتدیلر.

کیلگوسی هفته لر تونس و شمالی افریقا منطقه سی نینگ کیلجگی اوچون جده حساس. تونس ده دموکراسیدن قیتیش منطقه گه بوندن تاباره اولیمسیز تاثیر قالدیریشی ممکن. یگانه یول ایسه دموکراسی گه صاحب چیقیب استقرارنی تامین ایتووچی سیاسی بیر فضا یراتیش.   

 

خوفسیزلیک بوییچه تیکشیرووچی دوکتور مراد یشیل تاش نینگ اوشبو موضوعگه دایر فکر و ملاحظه‌لرینی اعتبارینگیزگه حواله ایتدیک.



علاقه لی ینگی لیکلر